Qarorga ko’ra, 2025 yilda kambag’al oila a’zolarini jalb etgan xolda 20 ming gektar o’rmon fondi yerlarida sanoatbop, manzarali, mevali daraxtlardan iborat o’rmonlar barpo etish, ko’chatxonalar tashkil etish, dorivor o’simliklar yetishtirish loyihalari amalga oshiriladi. Kambag’al oila a’zolar o’z extiyojlari uchun mazkur yer uchastkalarida qishloq xo’jaligi mahsulotlari yetishtirishga ruxsat etiladi.

Shuningdek, joriy yilning 1 iyulidan boshlab “ekafaol fuqaro” platformasiga o’zi ekkan daraxti to’g’risida ma’lumotlar kiritgan kambag’al oila a’zolariga o’rmon fondi yerlarida ekilgan har 100 ta daraxt uchun bazaviy xisoblash miqdorining bir baravari miqdorida subsidiya ajratish tartibi joriy etiladi. Bunda subsidiya yil davomida ko’chatlar ekilgan vaqtda hamda ularni parvarishlash davridan keyin teng ulushlarda to’lanadi.