Nuriddinov's blog

Oʻylab qarasam oʻtmishdagi barcha muvaffaqiyatsizliklar men uchun aslida muvaffaqiyat boʻlgan ekan. Vaqt oʻtib undanda yaxshirogʻiga erishdim yoki yanada kuchliroq boʻldim. Xato qilishdan qoʻrqish kerak emas, magʻlubiyatlar bizni kuchaytiradi.

DTM imtihonida 0.1 ball yetmay qolib, oʻzim hohlagan yoʻnalishga kira olmagan edim. Oʻshanda juda ham hafa boʻlgandim. Lekin keyin anglab yetdimki, bu men uchun hayrli boʻlgan ekan. Shu 0.1 ball uchun hozir mingdan ming roziman. Balki shu 0.1 ball hayotimni butkul boshqa senariyga burib yuborgan boʻlardi.

Har bir ishda hikmat bor, siz istagandek boʻlmayaptimi, demak siz uchun hayrlisi emas.

Bugungi kundan xulosa.

Oʻta kuchli boʻlmaguningcha, sendan "katta" larning qarorlariga koʻnishga majbursan. Ularning qarorlari senga yoqmayaptimi, yanada kuchli boʻl. Oʻzingni oʻzgartir, oʻzgalarga imkon qoldirma.

Begonamiz dunyoga mutloq,
Bizni kitob "buzdi'', birodar...

Inson doim tashvishlardan qochgisi keladi. Bolalik masʼuliyatsiz, tashvishsiz davr. Shuning uchun boʻlsa kerak hamma bolalikka qaytgisi keladi.

Men esa ulgʻayishni, oʻsishni hohlayman. Vagon boʻlishni emas paravoz boʻlishni hohlayman. Bolalikda shu vagonlarni biz uchun kattalar, yaqinlarimiz paravoz boʻlib tortishgan. Yetar, endi vagon boʻlishni hohlamayman, men ham paravoz boʻlishni hohlayman.

Ko'rinishi yoqimli, eshitish qiziqarli, to‘lqinlanib gapiradigan, hayotdan nolimaydigan, samimiy kuladigan, hayajon bilan eslaydigan va u bilan bo‘ladigan keyingi uchrashuvni intiqib kutadigan odamni topish hayotda katta muvaffaqiyatdir.

Stress - odamlarda kuchli ta'sirotlar natijasida sodir bo'ladigan o'ta hayajonlanish, asabiylik holati.

Men stressni hotirjamlikning yo'qolishi, nimadandir tashvishlanish deb tushunaman. Aslida bu tabiiy fiziologik jarayon, bu insonlarni kurashishga yoki taslim bo'lishga undaydi.

O'zim his qilib ko'rgan stressning ba'zi bir turlari va ularga yechimlarni bo'lishmoqchiman.

1. Bir mashg'ulot bilan shug'ullanaverib undan sovub qolish. Masalan, abiturentlik paytimning ohirgi 4-5 oyligi shunday o'tgan. Bunday holatda biroz muddat bu mashg'ulotdan cheklangan ma'qul.

2. Hech narsa qilmasdan, ulkan narsalarni orzu qilish. Bu stressning og'ir ko'rinishi. Chunki unda orzularingiz katta, yaxshi hayotda yashashni istaysiz, lekin harakat qilmayapsiz. Bu holatni ko'pchilkda kuztganman. Gaplashsangiz katta maqsadlari haqida gapiradi, lekin nima sabab qilayotganini so'rasangiz, bahonalar bisyor. Bu shunchaki o'zini o'zi aldash deb bilaman xolos. Bu holatda odam stressini unitish uchun ko'proq ijtimoiy tarmoqqa yopishadi va o'z qobig'iga o'ralib qoladi. Bu holatga universitetga kirgan paytlarim tushgandim. Menimcha bunday vaziyatda eng yaxshi yechim, boshning devorga yaxshi bir urulishi.

3. Aqliy zo'riqish. Surunkali aqliy charchoq ham stressni olib keladi. Jismoniy charchoqni uyqu bilan yengish mumkindir balki, lekin aqliy charchoqni uyqu bilan yengib bo'lmaydi. Bunday stressni yengish uchun o'zingiz yoqtirgan hobby bilan shug'ullanib biroz chalg'iganingiz ma'qul deb bilaman.

4. O'zingizni o'zgalar bilan solishtirish. Agar meyorida bo'lsa raqobat, oshib ketsa hasad va o'zingizga bo'lgan ishonchning tushib ketishiga olib keladi. Bu kasallikning o'chog'ini insatgram deb bilaman. Odamlar qayerga borgani-yu, nima kiygani, xatto nima yeganigacha boshqalar bilan ulashadi. Bu esa odamlarda solishtiruv, bir-biridan o'zish hislarini uyg'otadi. Aslida, instagramda baxtlidek ko'ringan insonlarning katta qismi muammo-yu, stresslar bilan to'la. Lekin negadir hayotini zar qog'ozga o'rab tarmoqdlarda ulashadi, hayronman. Yaxshisi intagramdan foydalanmaslikni maslahat beraman. O'zingizni o'zgalar bilan emas, o'zingiz bilan solishtiring. O'tgan yili yo'lning qayerida edingiz-u, hozir qayeridasiz...

5. Kelajakdagi natijasizlikdan qo'rqish. O'zingiz uchun katta maqsadlar qo'ygansiz va bu yo'lda harakat qilyapsiz. Lekin bu maqsadlarga erishish vaqt talab qilganligi sababli, unga erisha olamanmi, yo'qmi degan havotir sizni stressga soladi. Menimcha bu eng so'glom stress. Chunki u sizni harakatga undaydi. Hozirgi kunda bu stress meni ham qiynamoqda. Men maqsadim yo'lida qilishim kerak bo'lgan ishlarni kichik qismlarga bo'lib, davomli bajarish bilan, bu stressni yengishni sinab ko'ryapman.

6. Qilishingiz kerak bo'lgan ishlarni ortga surish. Imtihonga tayyorlanishingiz kerak yoki qandaydur vazifani bajarishingiz kerak. Lekin siz ohirgi muddatgacha qilishim kerak deb yuribsiz. Bu esa o'zingizga ortiqcha bosim beradi. Yaxshisi muddatidan ertaroq bajaring.

Xulosa qiladigan bo'lsam, stressni o'zingiz uchun to'g'ri tanlasangiz buning yomon tomoni yo'q. Bu sizni kurashuvchanlik qobilyatingizni oshiradi.

@Nuriddinovs_blogg

*qalamim

Bir ajib hislar

Qalbimda bir hislar urmoqda tug'yon,
Sevgimi, dardmi bu bilmam o'zim ham.
Aqlga ustunlik qilar yuragim,
Tanni qiynamoqda, qilib g'alayon.

Bu tuyg'u poralar tan-u, jonimni
Aqlga hokimlik qilgusi kelar
Aql ham bo'sh kelmay, qilar nasihat,
Shoshmay tur, vaqtimas, kelar bir fursat.

Qalb va aql orasida qolgan bu tan,
Telba tanga kelmas, aslo havasim.
Na tunida halovat, na kunduzida
Hijron otashida yonar yuragim.

Bu hislar nomini muhabbat bitdim,
Meni ado qilmasaydi, bu ajib hislar.

@Nuriddinovs_blogg

Ayollarning ijtimoiy tarmoqlarga o'z suratlarini qo'yishiga qarshiman.

Ayollar o'zini nomahramlar nigohidan saqlashlari kerak. Bu uchun sizning  mahramlaringiz javobgar, ular o'z ahillaridan so'raladilar. Ularni ham o'zingizni ham gunohlarga botirmang. Ular ruxsat berishmasa, ular bilan bahslashmang. G'ururi bo'lgan erkak ruxsat bermaydi ham.

Siz o'z suratlaringizni joylasangiz,  nomahramlarga sizga hayotda qaragandanda yaxshiroq sharoit yaratib beryapsiz. To'g'ri qarashmasin deyishingiz mumkin, lekin hamma o'zi uchun javobgar. Shuningdek siz ham oʻz vazifangizni bajarishingiz kerak.

Bu ishingiz fitnaga olib boruvchi eng katta sabablardan biri. Hozirgi kundagi texnologiyalar bilan turli xil rasvogarchiliklarni qilishlari ham mumkin (masalan, Photoshop). Turli tuhmat, bo'xtonlarga qolib ketmang. O'z xavfsizligingizni o'zingiz taminlang.

Талабалик дафтаридан

ЭШИТЯПСАНМИ...

Олийгоҳ....
Маъруза...
Эшитяпсанми?
Орқа партадаги юрак зарбини.
Сен илк бор ўргандинг шу маърузада
Улкан муҳаббатнинг кичик ҳарфини.

Қизларнинг шовқини...
Йигитлар сўкар,
Булар — иккимиздан бегона дунё.
Улар бошқа гуруҳ бўлиб ўқийди,
Бошқа гуруҳдамиз иккимиз гўё.

Парталар оралаб синфхонанинг
Шовқинида сузар сезилмас севги.
Манави нигоҳга қараб тўймайман,
Секин жилмаяди.
Бу қандай белги?

Дарс эса давомлар...
Ёз, чиз ва тингла....
Норизо овози келди устознинг.
Бир онда ўзгарди шундоқ манзара,
Мен эсимдан оғдим...
Сен эса ёздинг.

Дарслар тугаб кетди....
Танаффуслар ҳам,
Соғинчларнинг охир келдими гали?
Сабоқдошлар ҳам йўқ.
Сен ҳам узоқда.
Қанисан жонажон маъруза зали?

Олийгоҳ...
Маъруза...
Эшитяпсанми?
Орқа партадаги юрак зарбини?

@xurshidabdurashid

Eʼtiborsizligimiz balki tajribasizligimiz sabablidir 12 soatlik mehnatimiz qiymati 0 ga teng boʻldi.

Shanba va yakshanba kunlari hackatonda jamoamiz bilan qatnashdik. Yutuqqa amaliyot hamda ish uchun yoʻllanma qoʻyilgan edi.

Biz 12 soat kod yozdik va projectni aytilgandek tugatib topshirdik. Shu payt projectni example testdan oʻtqazish yodimizga tushib qoldi. Afsuski bizning project bu testdan oʻtmadi, chunki biz projectni testga moslab yozmagandik, yaʼni request va responselarda farqlar talaygina edi. Shunday qilib bizning project fail boʻldi.

Bu hackaton biz uchun saboq darsi boʻldi. Faqat kod yozishga emas, natijaga ham eʼtibor berishimiz kerakligini oʻrgandik. Xullas biz uchun yaxshi tajriba boʻldi, keyingi safar bunday xatoni takrorlamaymiz.🙂

Alam qiladigan joyi, men bu hackaton uchun uyimga borishdan, toʻydan voz kechgan edim🙁

Aqlli odamlar yolg‘izlikka intilmaydilar, ular ahmoqlar yaratgan shovqindan qochishadi xolos.

Artur Shopengauyer

#shunchaki

Menimcha qalbida dardi borlargina yozuvchi yoki shoir boʻlsa kerak.

#kayfiyat

Eʼlon: Bir frontendchi qiz kerak, project bor. Nomi "Fullstack family".

Qilgan yaxshiligingni unutgin, uni minnat qilib, hammaga oshkor etmagin, biron narsa qaytishini kutmagin. Senga qilingan yaxshilikni esa unutmagin, yanada go'zal tarzda qaytarishga intilgin.

📖 "Futuvvat" kitobidan

Futuvvat – maqtalgan axloqdir, axloqning eng yuksak darajasidir.