ҲЕЧ ҚАЧОН МАҲЗУН БЎЛМА!
Чунки қайғу сени ўтмишингдан безовта қилиб, келажакдан хавотирга солади, оқибатда бугунги кунингни йўқотасан

Ҳеч қачон маҳзун бўлма !
Чунки қалб қайғу билан овора бўлиб, руҳинг сўниб, юзингнинг нури кетади.
Орзу умидларинг йуқ бўлади

Эй мўмин банда, маҳзун бўлма !
Чунки қайғу душманингни хурсанд қилиб , дўстингни маҳзун қилади. Қайғу сабабли ҳақиқатларни кўролмай қоласан...

Маҳзун бўлма !
Чунки қайғу Қазои-Қадарга норозилик, неъматга эса нонкўрлик бўлади ...

Маҳзун бўлма !
Чунки қайғу, ғам йуқолган нарсани қайтармайди. Ўликларни тирилтириб, қадарни
қайтармайди, фойда келтирмайди...

Маҳзун бўлма !
Чунки қайгу шайтондан. Қайғу - фақирлик ва умидсизликдир.

Маҳзун бўлма !
Агар сен фақир бўлсaнг, умри қарзга ботиб кетган кишилар бор...
Мингани уловинг йўқ бўлса, оёғи шол бўлган одамлар бор

Маҳзун бўлма !
Агар бир фарзандингдан айрилган бўлсанг , шундай инсонлар борки бутун оиласидан
маҳрум бўлган...

Маҳзун бўлма !
Агар гуноҳкор бўлсанг тавба қил, ёмон иш қилган бўлсанг истиғфор айт...
Хато қилган бўлсанг ислоҳ қил. Аллоҳнинг раҳмати кенг, тавба эшиклари очиқдир...

Маҳзун бўлма !
Агар ғамга ботсанг, асабларинг таранглашиб, вужудингни қийнаб, тунларни бедор қиласан.

Маҳзун бўлма !
Чунки Қазои- Қадар қалами ишини битирган, варақлар қуриган, китоб ёпилган , бундан
ошиқча ҳам, кам ҳам бўлмайди, маҳзун бўлма!

Маҳзун бўлма !
Қўлингдан кетган нарсага ғам чекма. Бири кетган бўлса, ҳали қўлингда сен англаб, англамаган Аллоҳнинг жуда кўп неъматлари бор.

Маҳзун бўлма !
Ҳасадгўй, ботил аҳилларининг танқидларига парво қилма, чунки уларнинг сўзларига сабр қилишда сенга ажр мукофот бор...
Сени танқид қилишлари сени қадрингни белгилайди, ахир одамлар ўликка сўз отмайдиларку.

Маҳзун бўлма !
Касаллик албатта кетади, мусибатлар албатта кўтарилади, гуноҳлар кечирилади, қарзлар узилади, маҳбуслар озод бўлади, ғоиблар (кетганлар) албатта қайтиб келади, осийлар тавба қилади, албатта ёмонлар жазосини
олади, маҳзун бўлма ...

Маҳзун бўлма!
Модомики одамларга яхшиликлар қилар экансан албатта мушкулаларинг ҳал бўлади,
чунки бошқаларга яхшилик қилишлик инсонни ўзини мушкулларини ҳал бўлишига сабаб бўлади...

Маҳзун бўлма!
Чунки сенга қилган битта ҳасанотинг учун ўндан тортиб етти юзгача ажр берилади , балки ундан ҳам кўпроқ, ин шаа Аллоҳ.
Лекин қилган гуноҳинггачи - биттагина жазо берилади..

Маҳзун бўлма !
Сенда энг катта неъмат бор, чунки сен Тавҳид калимасини айтганлардансан ...
Аҳли қибласан, мусулмонсан, қўлингни дуога кўтарган кишилардансан, сен маҳзун бўлма.

Маҳзун бўлма!
Чунки сен ҳаётнинг енгил - оғир, иссик, - совуқ, фақир ва бой ҳолатингда ҳам фойда устидасан...
Росулуллоҳ соллалоҳу алайҳи ва саллам
айтганларидек:
- Мусулмон одам яхшилик келса шукр қилиб савоб олади, машаққатли кун келса сабр қилади, яна савоб олади ...

Маҳзун бўлма!
Ахир сенда Қуръон бор! Зикр, дуо бор!
Ахир сенда Намоз, амри - маъруф, садақа ва
бошқа савобли амаллар бор

Ким хоҳларди дунёда Иймонингни берасан эвазига дунёдаги хамма нарсани бераман деса, қайси мўмин алмаштирарди..?

Одамларга зулм қилаётган, ҳақларини еяётган, туҳмат қилаётган, бўхтон қилаётганлар ҳам бир куни ўлади! Зулм кўрган, Сабр қилган, савоб умид қилган кишилар ҳам ўлади!
Лекин Аллоҳнинг ҳузурида ким ютуқда бўлади?

Дунё ҳаёти вақтинча , Пайғамбаримиз соллаллоҳу алайҳи ва саллам айтганларидек :
- Дунё бир соатлик йўлдир... Ким ўлмайди ?

Маҳзун бўлма !
Ахир қора булутларни тарқаганини, қоронғу тунни ёришганини, шамолларни тўхтаганини
кўрмаганмисан.. ИншаАллoҳ машаққатларинг роҳатга, ҳаётинг ёруғликка, келажагинг неъматга тўлиб боради, ИншааАллoҳ ...

Маҳзун бўлма !
Агар олдингда чора қолмаса, йўллар беркилиб, умидсизлик бостириб келса ё АЛЛОҲ дегин !

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг!