#Yozuvchi_hayoti
Frans Kafka (1883-yil 3-iyul –1924-yil 3-iyun )
- kelib chiqishi chex boʻlgan, avstriyalik yozuvchi.
Mashhur asarlari:
- “Bir kurash tarixi”(1903, birinchi asari);
- “Jarayon”(1915);
- “Amerika”(1916);
- “Qoʻrgʻon”(1922).
- “Qurilish”(1923, oxirgi asari).....................................................
Bolalik. Praga shahrida, oʻrtaxol savdogar oilasida dunyoga kelgan. Onasi Yuliya juda ziyoli ayol boʻlgan. Bolaligidan otasidan mehr olmas, uyda oʻzini ortiqcha his qilar edi.
Otasi ishda, onasi esa singillari tarbiyasi bilan band bir paytda, Frans oʻzi bilan oʻzi qolgan, zerikarli kunlarini rangga toʻldirish uchun kichik hikoyalar yoza boshlaydi.
Otasi ikki metrli, jarangdor ovozli, savlatli, qattiqqoʻl kishi oldida oʻzini kamchiligi bordek tasavvur qilar edi va bu his kelajakda uning asarlarida ham namoyon boʻlgan.
Boshlangʻich maktabni bitirgach gimnaziyada, soʻng Karlov universitetining yuristlik yoʻnalishida oʻqiydi. 1906-yilda esa huquq boʻyicha doktorlik unvonini oladi.
Ijodi. Sugʻurta boʻlimida katta maosh olishiga qaramay, asosiy yoʻnalishi - bu adabiyot deb bilgan. Faol ishchi hisoblangan, biroq sogʻliqdagi muammolari sababli vaqtidan ancha erta nafaqaga chiqadi.
Oʻzini isteʼdodsiz deya hisoblagani uchun yozgan asarlarini chop ettirgisi kelmasdi. Asarlarini doʻsti
Maks Brod yigʻib borar, adibga ularni chop etish zarurligini oʻqtirar edi.
1913-yilda Kafka taslim boʻladi va “Tafakkur” hikoyalar toʻplamini chop ettiradi. Kitobxonlar uning hayotligida asarlaring kichik qismi bilan tanisha olishgan xolos, koʻp roman va hikoyalari Kafka oʻlimidan soʻng nashr qilingan.
Shaxsiy hayoti. Ayollar oʻrtasida katta mashhurlikka ega boʻlmagan adib hayoti davomida oila qurmagan. Oʻzi ham jiddiy munosabatlardan, masʼuliyatdan qochib yurgani sabab hattoki ikki bor toʻyni ham qaytargan.
Soʻnggi yillari. Uyqusizlik, oshqozon va bosh ogʻriqlaridan aziyat chekkan, taslim boʻlmay sogʻlom turmush tarzi va diyetalarga rioya qila boshlagan.
Biroq oxir oqibat
1917-yilda sil kasali borligi ham aniqlanadi. Uzoq kurashgan Kafka
1924-yil Berlindagi shifoxonada olamdan oʻtadi.P/s: Bugun F.Kafkaning tug'ilgan kuni ) Kafka ijodidan qaysi asarlarni o'qigansiz ?
@Kitobxonlar_sahifasi — Kitoblarga oshno qalblar makoni😇
