“Anorbooks” nashriyoti

@anorbooks_nashr

Kanal geosi va tili: O‘zbekiston, O‘zbekcha

Toifa: Kitoblar

“Anorbooks” nashriyotining rasmiy sahifalari:
https://taplink.cc/anorbooks
Manzilimiz: Shayxontohur tumani, Qiziltut ko‘chasi 7-uy
Joylashuv:
https://maps.app.goo.gl/GinDgaZ1FdfQvDKr7
Murojaat uchun: @Grafofil

Связанные каналы | Похожие каналы

Kanal geosi va tili

O‘zbekiston, O‘zbekcha

Toifa

Kitoblar

Statistika

Saralanganlar

Postlar filtri

O‘chirilganlarni yashirish

Repostlarni yashirish

“Anorbooks” nashriyoti

30 Jan, 18:01

🫣 Mafiyalar haqida kitoblar

Jinoyat olami va jamiyatdagi koʻzga koʻrinmas, sirli jarayonlar haqida oʻqishni sevadiganlar, qayerdasiz? Siz uchun mafiyalar haqidagi eng mashhur asarlar toʻrtligini jamladik. Marhamat, tanishing:

1. “Cosa Nostra: A history of the Sicilian mafia”

John Dickie qalamiga mansub bu kitob Sitsiliya mafiyasi (Cosa Nostra)ning tarixi va uning jamiyatdagi oʻrni haqida hikoya qiladi.

2. “The Godfather”

Ushbu asar Mario Puzo tomonidan yozilgan boʻlib, mafiyalar haqidagi eng mashhur romanlardan biridir. Unda mafiyaning ichki dunyosi va boshqaruv tizimi tasvirlangan.

3. “Mafia Brotherhoods”: organized crime, italian style”

Muallifi Letizia Paoli boʻlgan bu kitob italiyan mafiyalarining tashkil etilishi, ishlash usullari va ularning jamiyatdagi roli haqida maʼlumot beradi.

4. “The Mafia Encyclopedia”

Karl Sifakis ijodi boʻlmish bu asar mafiya haqida keng qamrovli ensiklopedik qoʻllanma hisoblanadi. Muallif asarda turli mafiyalar, ularning asosiy shakllari va jinoiy faoliyati haqida oʻquvchiga maʼlumot beradi.

❔ Sizga bunday asarlar yoqadimi? Bu mavzuda qaysi asarni oʻqigansiz?

Telegram | Instagram | Youtube

98 0 3 2 5

“Anorbooks” nashriyoti

29 Jan, 18:00

00:35

Video oldindan ko‘rish uchun mavjud emas

Telegram'da ko‘rish

🤔 Koʻrmoq kerakmi yoki oʻqimoq?

Kitobni oʻqish yoki u asosida olingan kinoni koʻrish har kimning oʻz tanlovidir. Lekin bizningcha, koʻpchilik sahifalarning iforini tuyib, voqealarni tasavvur qilib kitob oʻqishni afzal koʻradi.

Bu gumonimiz toʻgʻri yoki xato ekani bizga juda ham qiziq. Izohda sizga qaysi biri maʼqul ekanini albatta yozib qoldiring. Kutamiz.😊

Telegram | Instagram | Youtube

152 0 0 5 9

“Anorbooks” nashriyoti

28 Jan, 19:00

***

Chaqin boʻlma,
boʻlma guldurak,
yerdan koʻpam uzoqlab ketma.
Ovozingni yirtmagin bekor,
yerni quchma — quloching yetmas.

Undan koʻra biror odamning
makoni boʻl — irmoqli, soyli,
shamollarni toʻsgan togʻi boʻl,
osmoni boʻl — yulduzli, oyli.

Shavkat Rahmon, “Zulfiqor ruh” kitobidan

Telegram | Instagram | Youtube

201 0 2 12

“Anorbooks” nashriyoti

27 Jan, 19:10

🪦 Otasining qabrini izlagan ijodkor

Koʻpchiligimiz buyuk yozuvchi Chingiz Aytmatovning faqat yozgan asarlarini, u haqida darsliklarda berilgan maʼlumotlarni yaxshi bilamiz. Ammo hayotidagi turli past-balandliklaridan xabardor emasmiz.

Shunday voqealardan biri uning uzoq vaqt davomida otasining qabrini izlaganidir. 1938-yilda yozuvchining otasi To‘raqul Aytmatovni Bishkek yaqinidagi Toshtepa degan bir ovloq yerda otib, ko‘pchilik otilganlar bilan birga ko‘mib yuborishgan.

Chingiz Aytmatov otasining qabrini uzoq izlaydi va harakatlari natijasida 1991-yildagina topadi. Aytmatovlar otaning suyaklarini “Ata beyit” qabristoniga, bu kunlarga yetmagan rafiqasi Naima Aytmatovaning qabri yoniga izzat-hurmat bilan qayta dafn qilishgan.

Chingiz Aytmatov vafoti oldidan oʻzini ham ota-onasining yoniga dafn qilishlarini vasiyat qilgan. Uning bu vasiyati oila aʼzolari tomonidan oʻzi aytganidek ado etilgan.

Siz Chingiz Aytmatovning qaysi asarini sevib oʻqigansiz?

Telegram | Instagram | Youtube

234 0 2 2 7

“Anorbooks” nashriyoti

26 Jan, 18:04

00:35

Video oldindan ko‘rish uchun mavjud emas

Telegram'da ko‘rish

✅ Abadiy oʻzgarmaydigan haqiqat

Ushbu videoda inson zoti aslo oʻzgartira olmaydigan haqiqat haqida fakt keltirdik. Tezroq bu haqiqatni bilib oling!

Telegram | Instagram | Youtube

252 0 3 1 12

“Anorbooks” nashriyoti

25 Jan, 19:02

😱 Eng qoʻrqinchli, eng mashhur...

“Kimgadir yoqar lola, Kim atirgul shaydosi” deganlaridek, har bir kitobxon qaysidir janrga alohida koʻngil qoʻygan boʻladi. Birov tarixiy, birov fantastik asarlarni sevadi.

Shunday dovyurak kitobxonlar ham borki, ular qoʻrqinchli voqealar aks etgan asarlarni maza qilib oʻqiydilar. Aynan shunday kitobxonlarimizga eng mashhur qoʻrqinchli asarlar uchligini tanishtiramiz:

1. “It” – Stiven King tomonidan yozilgan asar. Unda qahramonlar bolalikdagi dahshatli voqealarni yodga olishadi, ular qariganida esa yomonlik yana qaytib keladi. Bu kitobda dahshatli maxluqlar va psixologik qoʻrquv aralashib ketgan.

2. “The Haunting of Hill House” – Shirli Jacksonning bu klassik asari ham oʻzining qoʻrqinchli va gʻayritabiiy elementlari bilan mashhur. Unda Hill House’ga kirgan bir necha odamlar boshdan kechirgan ruhiy holatlar haqida oʻqishingiz mumkin.

3. “House of Leaves” – Mark Z. Danielevskiy qalamiga mansub bu kitob oʻzining boʻlgan voqealarga asoslangan lavhalari va oʻziga xos tuzilishi bilan ajralib turadi. Kitobdagi hikoyalarda haqiqiy va gʻayrioddiy voqealar oʻzaro uygʻunlashtirilgan.

❓ Siz-chi, qoʻrqinchli asarlarni yaxshi koʻrasizmi?

Telegram | Instagram | Youtube

275 0 5 2 9

“Anorbooks” nashriyoti

25 Jan, 07:01

#iqtibos

Ibn Rushddan qancha kitob o‘qigani haqida so‘rashganda, shunday degan ekan:

“Ikki kecha kitob o‘qiy olmaganman, xolos. Nikoh kecham va otam vafot etgan kechada.”

Telegram | Instagram | Youtube

278 0 4 18

“Anorbooks” nashriyoti

23 Jan, 18:04

01:03

Video oldindan ko‘rish uchun mavjud emas

Telegram'da ko‘rish

📣 Kitobsevar odamlar, bilmay qoldim demanglar

🎉 “Anorbooks” yap-yangi asarni taqdim etadi! Yangi yilda yangi mualliflarni, yangicha asarlarni kashf etishni istaganlar uchun ayni muddao!

📖 “Overton” — kichik hikoyalarda katta ijtimoiy-siyosiy mavzular aks etgan kitob!

✅ Yozuvchi Ulugʻbek Hamdam asardagi hikoyalar OʼGenri va Mopassan hikoyalarini biroz eslatib yuborishini, ammo oʻziga xosligi bilan boshqa asarlardan butkul farq qilishini taʼkidlaydi.

😀 Aytgancha, qonunlarni buzmagan holda jinoyat qilish mumkinligiga shubha qilgan boʻlsangiz, bu asar gumoningizni yer bilan yakson qiladi. Oʻqimasangiz shunday sirlardan quruq qolasiz!

❗️Yangi kitobimizga hammadan avval ega boʻlish uchun hoziroq @Grafofil ga murojaat qiling.

Telegram | Instagram | Youtube

521 2 5 1 13

“Anorbooks” nashriyoti

22 Jan, 18:00

00:30

Video oldindan ko‘rish uchun mavjud emas

Telegram'da ko‘rish

📚 Kitobli doʻst ayrilmas

😀 Imom Bayhaqiy rivoyat qilgan hadislarning birida “Oʻzaro hadya ulashinglar, bir-birlaringizga muhabbatli boʻlasizlar” deya taʼkidlanadi.

📖Eng yaxshi hadya esa, shubhasiz, kitobdir. Agar yaqinlaringiz va doʻstlaringizning sizga boʻlgan mehr-muhabbati yanada ziyoda boʻlishini istasangiz, “Anorbooks” yordam berishga tayyor.😊

👉 Hoziroq murojaat qiling: @Grafofil

Telegram | Instagram | Youtube

348 0 8 17

“Anorbooks” nashriyoti

21 Jan, 14:01

Bu yerda aniq bir gap bor💯

Yuqoridagi post bekorga qoʻyilmadi. Albatta, buning sababi bor. Boʻlganda ham muhim sababi bor-da!😎

Nima deb oʻylaysiz, bu postdan keyin sizni nima kutyapti? Fikrlaringizni izohda yozib qoldiring. Balki, siz allaqachon tushungandirsiz?!👀

Telegram | Instagram | Youtube

336 0 2 2 14

“Anorbooks” nashriyoti

19 Jan, 18:00

Sovgʻali savolimiz esingizdami?

🏆 Izohlar qismidagi javoblarni oʻqib chiqdik va toʻliq javob qoldirgan 'https://t.me/anorbooks_nashr/1143?comment=3929' rel='nofollow'>Sayyorani gʻolib deb topdik.

🎉 Gʻolibimizni tabriklaymiz va sovgʻani olish uchun @Grafofil profiliga murojaat qilishini soʻraymiz.😊

✅ Bu kabi tanlovlarni davomli oʻtkazishni rejalashtirganmiz. Bizdan uzoqlashmang. Hali yangiliklarimiz koʻp.☺️

Telegram | Instagram | Youtube

390 0 1 1 16

“Anorbooks” nashriyoti

18 Jan, 18:01

😥Bu reytingda yurtimiz boʻlishi kerak edi...

Yiliga AQShda 17, Hindistonda 16, Buyuk Britaniyada 15, Fransiyada 14, Italiyada 13 ta...Bu kuchli beshlikdagi natijalar. Oʻntalikning keyingi oʻrinlarida ham yurtimiz nomi yoʻq. Butun dunyoni oʻz ilmi bilan uygʻotgan buyuklar tugʻilgan yurt uchun bu xijolatli natija, albatta.

Gap World Population Review manbasi tomonidan eʼlon qilingan reyting natijalari haqida ketyapti. Rasmda 2024-yilda aholisi eng koʻp kitob oʻqigan davlatlar oʻntaligi keltirilgan. Koʻrib turganingizdek, biz reytingda yoʻqmiz.

"Anorbooks" ushbu reytingda Oʻzbekiston nomi yetakchi oʻrinda boʻlishini istaydi va imkon boricha bunga harakat qiladi.

Nima qilsak dunyodagi eng kitobxon xalqlar qatorida boʻlishimiz mumkin? Siz bu borada qanday fikrdasiz? Izohda fikringizni kutamiz👇

Aytgancha, siz 2024-yilda nechta kitob oʻqidingiz?

Telegram | Instagram | Youtube

384 0 4 2 12

“Anorbooks” nashriyoti

17 Jan, 18:04

❓Nega tavakkalchilikga asoslangan oʻyinlarga ruxsat berildi?

Agar sizda ham shu savol tugʻilgan boʻlsa javob bunday: ushbu gʻoyaning oʻlchovi oʻzgardi. Qanaqa oʻlchov deysizmi?

"Overton oynasi" degan tushuncha bor. Ushbu tushuncha asosida siyosiy va ijtimoiy gʻoyalarning oʻlchovi belgilangan.

Yaxshi gʻoya, "yemaydigan" gʻoya deb baholash haqida aytmayapmiz. "Overton oynasi"ga koʻra gʻoyalar toʻrt xil oʻlchovga ega:

1. Qabul qilinadigan;
2. Qisman qabul qilinadigan;
3. Kuchli muhokama qilinayotgan;
4. Rad etilgan.

Har bir gʻoya jamiyat va davlat siyosatidan kelib chiqib shu toʻrt xil oʻlchovning biriga toʻgʻri keladi. Masalan, tavakkalchilikga asoslangan oʻyinlarga qonun ruxsat berilishi bir vaqtlar jamiyatimizda rad etilgan gʻoya edi. Keyin u muhokama qilinayotgan gʻoyaga oʻzgardi. Muhokama vaqti tugagach esa qabul qilinadigan gʻoyaga aylandi va qabul qilindi.

Shunday qilib, har bir gʻoya yuqoridagi oʻlchovlardan biriga mos boʻladi va vaqt oʻtib holati oʻzgarishi mumkin.

😍 Endi sizga sovgʻali savol: "Overton" soʻzi qanday paydo boʻlgan? Uning asosi qayerga borib taqaladi?

🎁 Izohda qoldirilgan eng birinchi toʻgʻri javob egasi uchun maxsus sovgʻa beramiz!

Telegram | Instagram | Youtube

427 0 1 7 11

“Anorbooks” nashriyoti

15 Jan, 18:03

00:45

Video oldindan ko‘rish uchun mavjud emas

Telegram'da ko‘rish

Kim aytdi bizni faqat kitob oʻqiydi deb?🤔

Biz tajriba oʻtkazdik va natijada:

⏺Stressni unuttiradigan;
⏺Bajarishingiz bilan uyqungizni keltiradigan;
⏺Birovdan xafa boʻlishingizga vaqt qoldirmaydigan "sirli masalliq"ni aniqladik!🤭

Aytgancha, bu "sirli masalliq"ning eng original, didingizga mosini bizdan topishingiz mumkin😎

Telegram | Instagram | Youtube

520 0 1 2 26

“Anorbooks” nashriyoti

14 Jan, 18:05

Gandi toʻgʻri aytgan ekan 💯

Qadrli kitobxon doʻstlarimiz! Ayrim sabablarga koʻra faoliyatimizni bir muddat toʻxtatib turdik. Ne boʻlsa yaxshilikga deganlaridek, bu muddat bizga yanada yaxshilanish va rivojlanish uchun harakat qilish imkoniyatini berdi.

Mehnatlarimiz samara berib sizlarga yanada manfaatli asarlarni taqdim etish niyatimiz bor. Shuningdek, sahifalarimizda faqat foydali loyihalar qilish asosiy maqsadlarimizdan biridir.

Faoliyatimiz toʻxtab turgan paytda bizni tark etmaganingiz uchun sizlarga oʻz minnatdorchiligimizni bildiramiz. Sizlardek sadoqatli doʻstlarimiz borligidan baxtiyormiz. Bu ishonch, bu eʼtibor, bu sodiqligingizni qanday eʼtirof etishni bilmaymiz.

Ammo Mahatma Gandi ushbu soʻzlarida hech ham adashmaganini anglab yetdik: "Sadoqatli doʻstlar hayotimizdagi eng qimmatbaho xazinadir."

Hurmat va ehtirom ila "Anorbooks" jamoasi.

Telegram | Instagram | Youtube

535 0 5 27

“Anorbooks” nashriyoti

21 Oct 2024, 18:02

04:49

Video oldindan ko‘rish uchun mavjud emas

Telegram'da ko‘rish

Biz chet tillaridagi soʻzlar bilan “bezab” gapiradigan ona tilimiz uchun 35 yil avval shunday kurashgan edilar...

Bayram muborak!

Sahifalarimiz: ⬇️
Telegram | Instagram | Facebook | Youtube

1.2k 0 14 7 20

“Anorbooks” nashriyoti

18 Oct 2024, 19:31

Pul va kitob haqida zamonaviy ertak

Bir bor ekan, bir yoʻq ekan. Oramizda bitta kitobxon bor ekan. U hadeb hamma narsani kitob bilan bogʻlab fikr bildirar ekan. Oʻrtoqlari dollar koʻtarilganidan keyin “Qani, pul bilan kitobni bir-biriga bogʻliqligini isbotlab ber-chi” deyishibdi. Qahramonimiz koʻp oʻylab oʻtirmay javob beribdi:
— Kitobni bosib chiqarish uchun pul kerakmi? Kerak. Kitobxon kitobni sotib olishi uchun unga pul kerakmi? Kerak. Millionlab dollar daromadga ega boylarning aksariyati kitob oʻqiydimi? Oʻqiydi. Sohangizdagi tajribali insonlarning soha haqidagi kitobi sizga pul keltiradimi? Keltiradi yoki eng kamida xatolarga yoʻl qoʻyishingizdan ehtiyot qiladi. Nodir kitoblarning narxi falon dollarmi? Ha! Pul haqida ham kitoblar bormi? Bor. Iqtisodiyotda dollar eng koʻp foydalaniladigan valyutami? Ha. Kitob esa iqtisodiy bilimlar haqida boʻlsa iqtisodchilar uchun eng yaxshi manba boʻladi. Falon-falon dollarlik taʼlim kurslarida asosan kitoblar darslik boʻlib xizmat qiladi...
Qahramonimiz ancha gapiribdi. Doʻstlari ham soʻraganiga pushaymon boʻlay deb turganida “Eng yomonini aytaymi?” debdi. “Ayt” deyishsa “Dollar koʻtarildi. Hamma narsaning narxi koʻtarilib boshlaydi. Kitoblar narxi koʻtarilmasin deb tilanglar” debdi. Qahramonlarimiz suhbatdan keyin kitoblarning narxlari haqida maʼlumot olishga tushib ketishdimi, olaman deb yurgan kitoblarini tezroq olish uchun kitob doʻkoniga yugurishdimi — bizga qorongʻu.
Lekin sizga yaxshi xabarimiz bor: dollar koʻtarilsa ham nashriyotimiz kitoblari narxi koʻtarilmadi. Qoʻrqmay @anorbooks_admin ga yozaverasizlar. 😉

Sahifalarimiz: ⬇️
Telegram | Instagram | Facebook | Youtube

1.1k 0 3 13

“Anorbooks” nashriyoti

14 Oct 2024, 18:01

#parcha

Yomgʻir haqida

Yomgʻir yogʻar — goʻyo tili chuchuk bola
Koʻp qavatli uy oldida nola chekar.
Goho gʻazab ichra deydi, ey bechora
Kel, men bilan koʻchalarda yozgil chigal.

U-ku bulut oʻgʻli axir, koʻkka qaytar,
Manov qoʻshni, anov qoʻshni ne deb aytar?

Yomgʻir yogʻar — uy oldida yigʻlar pari,
Mana, keldim, kitobingdan boshing koʻtar.
Badaniga yopishgan chit koʻylaklari
Bu oqshomning xayolini buzib oʻtar.

Oshiqaman, ammo qoʻshni uyda chiroq,
Uxlab qolsa boʻlmasmidi ertachiroq.

Yomgʻir yogʻar...
Menga desa doʻllar yogʻsin,
Kunlab yogʻsin, oylab yogʻsin, yillab yogʻsin.
Senga oʻxshab kech yogʻdimi bu yomgʻirlar,
Menga oʻxshab tuni bilan yigʻlab yogʻsin.

Ular osmon mevasidir, men uzmayman,
Eshigimning tutqichiga qoʻl choʻzmayman.
Yomgʻir yogʻar — yalinadi, oʻtinadi,
Balki, sening jigaringman, gʻofilmisan?
Qoʻlingdagi toshni tashla, toshni tashla!
Oʻsha meni nobud qilgan Qobilmisan?

U-ku qaytar yana arshi aʼlosiga,
Men qolaman ayriliqning balosiga...

Bek Ali, “Voh” toʻplamidan

Sahifalarimiz: ⬇️
Telegram | Instagram | Facebook | Youtube

1.1k 0 3 11

“Anorbooks” nashriyoti

10 Oct 2024, 18:02

00:07

Video oldindan ko‘rish uchun mavjud emas

Telegram'da ko‘rish

💀 Tiriklar hayoti oʻliklar taqdirida aks etgan asar

Asarlarda dehqon yigit obraziga duch kelgan boʻlsangiz kerak. U mard, halol, doim yordamga tayyor boʻladi. Asar soʻnggida sinovlarda toblanib, qahramonga aylanadi yoki sharafli oʻlim topadi.

Pedro Paramo ham asarning asosiy qahramoni va oddiy dehqon yigit edi. Ammo uning taqdiri aytganimizdek yakunlanmadi. U biz koʻp duch kelmaydigan taqdirga ega boʻldi.

Yozuvchi uning taqdiri fonida butun Meksika xalqining hayotini ochib berdi. Diqqatga sazovor jihati shuki, tiriklar hayotini oʻliklar taqdirida aks ettirdi.

Asarni oʻqish davomida siz yangicha talqindan zavqlanasiz, yozuvchining mahorati va noodatiy yondashuviga tasanno deysiz. Ehtiyot boʻling, yana boshqa asarlarni koʻzga ilmaydigan boʻlib qolmang 😉

Kitob hajmi — 192 bet
Muqova — yumshoq
Narxi — 25 000 so‘m

Buyurtma uchun: @anorbooks_admin

Sahifalarimiz: ⬇️
Telegram | Instagram | Facebook | Youtube

831 0 3 1 9

“Anorbooks” nashriyoti

9 Oct 2024, 18:01

00:27

Video oldindan ko‘rish uchun mavjud emas

Telegram'da ko‘rish

#hazil

Doʻstingizga kitob berishdan avval uni vaqtida qaytarmasa nima boʻlishini koʻrsatib qoʻying.

Shu videoni koʻrganidan keyin yo vaqtida qaytaradigan yoki boshqa kitob soʻramaydigan boʻladi.😁

Sahifalarimiz: ⬇️
Telegram | Instagram | Facebook | Youtube