#Сиз соғинган сатрлар...
КУЗ МАНЗАРАЛАРИ

Яна далаларга бошлайди ҳавас,
Боғларда хазонлар ёнади лов-лов.
Дўстларим, бу кузнинг  барглари эмас,
Менинг юрагимдан тўкилган олов.

Шохларда мезонлар ялтирар хира,
Пойида шивирлар менинг куйларим.
Дўстларим, булар ҳам мезонмас сира,
Бу менинг чувалган, сўнгсиз ўйларим.

Қуёш ҳам фалакда бамисли рўё,
У энди ёндирмас,  ялтирар фақат.
Дўстлар,  у ҳам энди қуёшмас асло,
У олис ёшликда қолган муҳаббат.

Абдулла Орипов

https://t.me/IJOD07/