Prokuratura Departamenti

Самарқанд ва Фарғона вилоятларида кучли таъсир қилувчи дори воситалари савдоси билан шуғулланиб келган шахслар ушланди

Бош прокуратура ҳузуридаги Департаментнинг Булунғур тумани бўлими томонидан ўтказилган тезкор тадбирда ноқонуний дори воситалари савдоси билан шуғулланиб келган фуқаролар Б.Т. ва М.У. фуқаро М.Х.га 90 дона “Зардекс” номли кучли таъсир қилувчи дори воситасини ҳамда 15 грамм “Гашиш” гиёҳвандлик моддасини жами 8 млн сўмга сотган вақтида ушланиб, давом этган тадбирда яна бир фуқаро Ф.М. фуқаро Б.Т.га 80 дона “Зардекс” номли дори воситаларини 2,4 млн сўмга сотган вақтида ашёвий далиллар билан ушланган.

Шу каби, Департаментнинг Қувасой шаҳри бўлими томонидан ўтказилган тезкор тадбирда фуқаро М.Ш. фуқаро М.Х.га 4 қути жами 200 дона таркибида кучли таъсир қилувчи моддаси бўлган “Бензонал” дори воситасини сотган вақтида ушланиб, ушбу дори воситаси ашёвий далил сифатида олинган.

Мазкур ҳолатлар юзасидан Жиноят кодексининг тегишли моддалари билан жиноят ишлари қўзғатилиб, терговга тегишлилиги бўйича юборилган.

👉@Department_uz

Самарқанд, Қашқадарё вилоятлари ва Қорақалпоғистон Республикасида қалбаки акциз маркали ҳамда қўлбола усулда тайёрланган алкоголь маҳсулотлари савдоси фош этилди

Бош прокуратура ҳузуридаги Департаментнинг Қўшработ ва Тўрткўл тумани бўлимлари, ИИБ ва божхона бошқармаси ходимлари ҳамкорлигида ўтказилган тезкор тадбирларда ЯТТ “T.N.” ва фуқаро М.Ж. “Заркент” МФЙ ҳамда “Шўрохон” ОФЙ ҳудудидаги савдо дўконларида келиб чиқиши ва сифатини тасдиқловчи ҳужжатлари бўлмаган 29 турдаги қўлбола усулда тайёрланган жами 493 дона қалбаки акциз маркали алкоголь ва ҳужжатлари бўлмаган 258 қути тамаки маҳсулотларини сотувга қўйганликлари аниқланиб, ушбу маҳсулотлар ашёвий далил сифатида олинган.

Шунингдек, Департаментининг Касби тумани бўлими ва ИИБ ходимлари ҳамкорлигида ўтказилган тезкор тадбирда фуқаро И.Ш. фуқаро Ж.Ў.га 546 дона қўлбола усулда тайёрланган алкоголь маҳсулотларини сотган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) ва 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда муомалага киритиш ёки ишлаб чиқариш) билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Ўзбекистон Республикаси Президентининг 2024 йил 3 июндаги ПФ–84-сон Фармонида алкоголь ва тамаки ишлаб чиқариш соҳасини тўлиқ рақамлаштириш бўйича белгиланган вазифалар ижросини таъминлаш мақсадида Алкоголь ва тамаки бозорини тартибга солиш инспекцияси томонидан ишлаб чиқариш корхоналарини интеграция қилиш масаласига алоҳида эътибор қаратилмоқда.

Хусусан, республикада мавжуд барча корхоналарда спирт ва алкоголь маҳсулотларини ишлаб чиқаришни рақамлаштириш борасида тизимда янги ахборот технологияларини яратиш ишлари амалга оширилмоқда. Булар:

-        истеъмол ва техник этил спирти, алкоголь ва тамаки маҳсулотларини ишлаб чиқариш ва уларнинг айланмаси ҳажмини ҳисобга олиш ахборот тизими;

-        истеъмол ва техник этил спирти, алкоголь ва тамаки маҳсулотларини ишлаб чиқаришни ва уларнинг айланмасини назорат қилиш бўйича хавфни таҳлил қилиш тизими;

-        истеъмол ва техник этил спирти ташувчи автотранспорт воситалари ҳаракатини марказлаштирилган тарзда мониторинг ва назорат қилиш имкониятига эга геоахборот тизими.

Ушбу ахборот тизимларини яратиш ҳамда тўлиқ ва ишончли маълумотлар билан бойитиш мақсадида, Адлия вазирлиги, Солиқ қўмитаси, Божхона қўмитаси, Кадастр агентлиги ва бошқа соҳага тегишли ташкилотларнинг ахборот тизимлари билан ўзаро маълумот алмашувчи интеграция тизими йўлга қўйилди.

Ҳозирда истеъмол ва техник этил спирти ҳамда алкоголь махсулотларини ишлаб чиқарувчи корхоналарга реализация қилинган этил спирти ҳамда ишлаб чиқарилган алкоголь маҳсулотлари миқдорининг онлайн ҳисобини юритадиган электрон ҳисоблагичлар ўрнатилиб, ўлчов ускуналарини ҳисобга олиш ахборот тизими билан интеграция қилиш жараёни амалга оширилмоқда.

Шунингдек, Инспекция томонидан республикамизда мавжуд 31 та истеъмол ва техник этил спирти ташувчи автотранспорт воситалари ҳаракатини марказлаштирилган тарзда мониторинг ва назорат қилиш мақсадида ГЕО ахборот модулига уланди.

Истеъмол ва техник этил спирти ҳамда алкоголь маҳсулотларини ишлаб чиқарувчи 45 та корхонада мавжуд автотранспорт воситаларга GPS Treker қурилмалари ўрнатилиб, ISAT тизимида онлайн тарзда автотранспорт воситалари ҳаракатини марказлаштирилган тарзда мониторинг қилиш тизими ишга туширилмоқда.

Эндиликда истеъмол ва техник этил спирти, алкоголь ва тамаки маҳсулотларини ишлаб чиқариш, уларнинг айланмаси ҳажмини ҳисобга олиш ахборот тизими, хавфни таҳлил қилиш тизими, истеъмол ва техник этил спирти ташувчи автотранспорт воситалари ҳаракатини марказлаштирилган тарзда мониторинги ва назорати юритилади.

👉@Department_uz

Хорижий давлатларга ишга юборишни ваъда қилган фирибгарлар ушланди

Бош прокуратура ҳузуридаги Департаментнинг Самарқанд шаҳри бўлими томонидан ўтказилган терговга қадар текширувда фуқаро Ж.Р. танишлари И.К. ва У.Ш. билан “J.I.” МЧЖни ташкил этиб, фуқароларни Исроил давлатига ишлаш учун юборишларини реклама қилиб, 2024 йилнинг сентябрь ойида 16 нафар фуқарони алдаб, уларни Исроил давлатига ишга юбориши эвазига жами 74 550 АҚШ доллари ва 22,5 млн сўм пулларини фирибгарлик йўли билан қўлга киритганликлари аниқланган.

Яна бир ҳолат, Департаментнинг Учтепа тумани бўлими ва бошқа ҳуқуқни муҳофаза қилувчи орган ходимлари ҳамкорлигида ўтказилган тезкор тадбирда фуқаро Д.Т. фуқаролар Х.У. ва Д.Н.нинг ишончига кириб, уларни танишлари ёрдамида 44 000 АҚШ доллари эвазига Канада давлатига ишга юбориши ва виза олиб беришини айтиб, шундан 8 000 АҚШ долларини олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.

👉@Department_uz