Бухоро вилояти прокурори У.Хамдамов томонидан Ҳалқ қабулхонаси билан ҳамкорликда аҳоли билан бевосита ва очиқ мулоқот қилиш, аҳоли кайфиятига салбий таъсир этадиган тизимли муаммоларни аниқлаш ҳамда уларни қисқа муддатларда қонуний ҳал этиш мақсадида Олот туманидаги “Асажам” маҳалласида сайёр қабул ўтказилди.

Сайёр қабулда жами 30 нафар жисмоний шахслар ва юридик шахслар вакиллари ўз мурожаатлари билан иштирок этди.

Қабулда, кредит ва субсидия ажратиш, қурилиш, ер ва электр энергияси масалалари, тергов-суриштирув ҳаракатлари, соғлиқни сақлаш, уй-жой ва моддий ёрдам каби ижтимоий йўналишда ҳамда мулкий низолар ва бошқа масалалар юзасидан мурожаатлар тингланди.

Келиб тушган мурожаатларнинг айримлари жойида ижобий ҳал қилинган бўлса, текшириш талаб этиладиганлари иш юритувга олиниб, ўрганиш ишлари бошланди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Telegram | Instagram | YouTube | Facebook | Veb-sayt