Бухоро вилояти прокурори У.Хамдамов ва вилоят ҳокими Б.Зариповлар тегишли ташкилотлар мутасаддилари иштирокида Бухоро шаҳрининг тарихий қисмида бўлиб, амалга оширилаётган ишлар билан яқиндан танишган ҳолда мавжуд муаммолар ўрганилди.

Ўрганишда, маданий мерос объектлари ва уларга туташ ҳудудларда ободонлаштириш ишларини тизимли ташкил этиш, аҳоли ва сайёҳлар учун зарур шарт-шароитлар яратиш, белгиланган ишларни жадаллаштириш, ноқонуний қурилмаларни бартараф этиш ва бошқа инфратузилмага доир муаммоларни ҳал қилиш юзасидан мутасаддиларга топшириқ ва кўрсатмалар берилди.

Шунингдек, сектор раҳбарлари томонидан қурилиш соҳаси масъуллари иштирокида Бухоро туманидаги "Янги Ўзбекистон” массивида ҳам амалга оширилаётган қурилиш ишлари ўрганилиб, лойиҳанинг мукаммал тарзда бўлишини таъминлаш, ишда сифат ва муддатга алоҳида эътибор қаратиш юзасидан масъулларга топшириқ ва кўрсатмалар берилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook