Sizning tarbiyangiz olmoqdaman men,
Baʼzida juda ham koʻnglim sinadi.
Asli borligingiz men uchun gʻurur,
Akasi bor qizlar, buni biladi.

Yoshimiz orasi koʻp emas, ammo
Boringiz yaxshida, aytolmasman hech.
Har doim qaddim tik, boshim ham samo,
Shuni angladimki, hechdan koʻra kech.

Tanbeh-u tergovlar tugamas aslo,
Bilaman, hammasi bekorga emas.
Sal qaltis—harakat aka uchun or,
Nojoʻya harakat, menga kerakmas.

Mayli-da, bir soʻzni aytmasam boʻlmas,
Hech kimga oʻxshatmang, deng singlim tanho.
Har qaysi gapingiz havoda qolmas,
Kechiring, koʻnglingiz ogʻritdim goho.

© Durdona Toʼychiyeva