Сиз рўёсиз, сиз тушсиз,
Кўриб йиқилдим ҳушсиз,
Ҳуснингиз оламга тенг,
Кўнглимга қўнган қушсиз.

Дил дардимни битаман,
Сизни излаб кутаман,
Такрор-такрор айтаман,
Кўнглимга қўнган қушсиз.

Юрагимнинг малҳами,
Келсангиз тўлар ками,
Кулсангиз кетар ғами,
Кўнглимга қўнган қушсиз.

Десангиз агар ёрим,
Тарқалар бор ғуборим,
Ўзимнинг дилозорим,
Кўнглимга қўнган қушсиз.

Ғолиб ҒС(А).

@qalbdagi_nomalar