Bir she'r yozay chiqib ketsin
ichimdagi alamim,
Yozmay desam dod solmoqda
qo'lda turib qalamim.
Anglamadim bu nimalar,
Shayton kuyin chalganmi,
Islomga xos muslimalar faqat
O'shda qolganmi?!
Yo, Xadicha onamizdan me'ros
qolgan u, odat,
Boshda ro'mol, xijobini
or deb biladi faqat,
Hamza yoqqan xijoblari
bir umrga yonganmi,
Islom suygan muslimalar yolg'iz
O'shda qolganmi?!
Havas qiling borib singlim
O'shni boqqan qizini,
Ko'rsa, faqat tanmahramlar
ko'rar bo'yin-yuzini.
Ayting, yoki qolgan ayol
o'z dinidan tonganmi,
Jannatlarning Hur mevasi yolg'iz
O'shda qolganmi?!
Ayol nomga arziydi - u tushurmas nomiga dog',
Ko'taradi Er orini O'sh tog'idan balandroq.
Aravon-u, Navqotiga Xizir nazar solganmi,
O'zbek desa arzigulik ayol O'shda qolganmi?!
Yaratganga aytar yolg'iz agar bo'lsa arzini,
Qiyomatga qoldirmaydi tirik bo'lsa qarzini.
Bajaradi besh vaqt namoz sunnatini, farzini,
Ustozim deb, Islomining ta'limini olganmi?
Oishalar, Xadichalar faqat O'shda qolganmi?!
Nima deysiz, yozdim to'g'ri
O'sh qiziga atab she'r,
Or ko'rmagan oyimchalar ortimdan ne desa - der,
Havas qildim musofirda yurib Oyning yuziga,
Ta'zimdaman, rahmat deyman O'shning boqqan qiziga!
©️ Xayrulla Hamidov
@Xudoyberdiyev_blogi
