Tushlarimda kutdim tashrifingizni,
Ko‘rgim kelgan edi sizni juda ham.
Tushlarimda kutdim… ( qachon deysizmi? )
Siz boshqa tushlarda kezyotgan dam.

Shu kecha ko‘ksimdan nimadir bosdi.
Ochig'i, og‘riqdan ranjimaganman.
Lek juda aziyat chekaman rosti
«Hech qachon», «hech kim» va «hech nima»lardan…

Garchi achinishga mudom mahkumman,
Lek bir so‘z ustida uzoq ishladim.
Qushdek uchayotir tushdek umrimdan
Sizsiz ko‘rayotgan hamma tushlarim.


©️Shahriyor Shavkat

@Xudoyberdiyev_blogi