“Ko’zbo’yama” sahnalar - hukm!
Dardlar talay - yig’ilganidan.
Rol o’ynashga etilgan mahkum
INSONIYAT tug’ilganidan…

Kunda yuz bor almashar sahna,
Kunda yuz bor almashadi zal.
Kimda yuz bor solguvchi rahna,
Kimda yuz bor o’zgarmas azal.

Parda ortin bilamaydi birov,
(Yaxshi hamki pardalar qalin)
Sirtda bahor, ichda qor-qirov
Sezdirmaydi Sizga atayin…

Lekin YURAK yutib to’yadi,
Parchalaydi sabr otini.
Bir kun ijro etmay qo’yadi,
Yaxshi INSON - EPIZODINI…