🤩Duoning maqsadi - Alloh taoloning huzurida taslim boʻlish.🤩

☁️ Yaʼni Alloh bergan neʼmatlarning barchasiga rozilik bildira olish. Beruvchi ham, oluvchi ham U ekanligini anglash. Biz faqat Unga muhtojligimizni takror-takror his etish.

Baʼzida duolarimiz qabul boʻlmasa, biz xohlagan vaqtda ijobat boʻlmasa, nolishga oʻtamiz. Hamma amallarni qilyapman, namoz, roʻzalarda qoyimman, deb taʼna qilamiz. Vaholanki, xuddi shu oʻrinda biz uchun Alloh haqida yaxshi gumonda boʻlish muhim. Oli Imron surasining 66-oyatini eslaylik shu oʻrinda " Alloh biladir, siz esa bilmaysiz"

◀️Biz nimagadir muhtojligimizni yoki u narsa bizga juda kerakligini oʻz bilish darajamizdan kelib chiqib soʻraymiz. Zotan, Alloh biz bilmaganlarni biladi, koʻradi, eshitadi. Biz koʻrolmagan boshqa tomonlari Unga ayon. Biz oʻzimiz uchun yaxshi deb bilgan narsa haqiqati faqat Unga bogʻliq.▶️

Shuning uchun biz qilgan duolar vaqtida ijobat boʻlmadi degani Alloh bizga befarqlik qildi degani emas. U biladi, bizga nima yaxshi, nima yomon ekanligini...
Mana shu ishonchni oʻzimizda yarata olsak, bas.

Duo qilayotganda "Shu ish men uchun xayrli boʻlsa, uni menga neʼmat qilib ber. Agar xayri boʻlmasa, xayrli qilganingga roziman" deya olishlikdagi hotirjamlikni hech qayerdan topa olmaysiz...🕯️

Qadariga rozimiz)

Kahfa