Ba'zi kimlardir hayotimizga bizni toshbag'irroq qilish uchun kiradi va ba'zilar esa aksincha. Kimlardir bizni o'ylashga, mulohaza qilmoqqa boshlasa yana kimlardir tavakkalga chorlaydi.
Ular hayotimizga kirib birinchi saboqni bersalar ketganlarida ikkinchi saboqni beradilar. Quyoshning botishi bizga tunning go'zalligini, oy va yulduzlarni ko'rishga, sukunat va osudalikni his etish uchun imkondir yana bu vaqt dam olish uchun asosiy vatqdir. Mana shu vaqt davomida biz o'ylaymiz, fikr qilamiz va xayollarimizni jamlaymiz, muhim mavzular borasida mulohaza qilamiz.
Yaqinlarimizdan uzoqda o'tayotgan vaqt ham xuddi shunday. Ba'zi narsalarni o'ylab, fikrlarimizni jamlar, qaysidir fikrni o'zgartirish yoki uni yanada mustahkamlash uchundir.
Asosiysi quyosh yana chiqishini, vaqt o'tishini va na kun, na tun davomiy ekanligini unutmasak bas...