Hududlarda bitiruvchilarning OTMga kirish koʻrsatkichi maʼlum qilindi. Ikki viloyatda sezilarli oʻsish borNamangan va Xorazm viloyatlarida boshqa hududlarga nisbatan maktablar masalasiga kuchliroq eʼtibor qaratilyapti. Bu haqda Xalq taʼlimi vaziri Sherzod Shermatov maʼlum qildi.
Vazirning taʼkidlashicha, hududlarda taʼlimni yaxshilash boʻyicha natijaga erishish uchun eng yaxshi tandem: jamoani birlashtira oladigan fidoyi xalq taʼlimi boshqarmasi rahbari hamda uni doim qoʻllab-quvvatlaydigan viloyat hokimi.
“Namangan va Xorazm viloyatlarida shu kabi tandem boʻlgani sababli boshqa hududlarga nisbatan maktablar masalasiga eʼtibor kuchliroq boʻlib kelgan. Shuning uchun ham, “Oʻqituvchi va murabbiylar kuni” bayrami arafasida qator pedagoglar bilan birga ushbu ikki viloyat xalq taʼlimi boshqarmasi rahbarlari “Sodiq xizmatlari uchun” medali bilan taqdirlangan edilar”, deydi Shermatov.
Qayd etilishicha, bitiruvchilarning oliy taʼlim muassasalariga kirish koʻrsatkichlari boʻyicha birinchi 5 talik hududlar orasida eng katta oʻsish ham aynan Namangan va Xorazmda kuzatilmoqda.
Barcha maktablarda OTMga yoʻnaltirish ishlariga alohida eʼtibor qaratilgani sababli bu yil umumiy bitiruvchilarning soni 1,59 barobar ortgan boʻlsa-da, OTMga kirgan bitiruvchilar soni 2,02 barobar ortgan. Tashqi omillar deyarli barcha hududga bir xil taʼsir qiladi
Tashqi omillar deyarli barcha hududga bir xil taʼsir qiladi (kvotalarning oshishi, kitoblar, DTM testlari va h.k.), lekin aynan shu ikki hududda koʻrsatkichlarning oʻsish surʼati boshqa hududlarnikidan ancha yuqori boʻlganiga Namangan viloyatining oʻrni oʻtgan yildagiga nisbatan 4 pogʻonaga koʻtarilgan, Xorazmniki esa 2 pogʻonaga.
Batafsil ma'lumothttps://t.me/joinchat/AAAAAE6JbSV7-rkZQ54BLA