🇹🇷 Adana Demirspor Turkiya Superligasidagi Galatasarayga qarshi o‘yinning birinchi bo‘limida, ularga qarshi belgilangan penaltiga norozilik sifatida maydonni tark etdi.
12-daqiqada Galatasaray yangi transferi Alvaro Morata penaltidan hisobni ochdi. Shundan so‘ng, Adana Demirspor bosh murabbiyi Mustafa Alper Avchı futbolchilarini yig‘ib, qisqa suhbatdan keyin jamoani kiyinish xonasiga olib chiqdi. Hakam ham maydonni tark etdi va o‘yin to‘xtatilgani e’lon qilindi.
👉 @SPORTVAQTIUZ
12-daqiqada Galatasaray yangi transferi Alvaro Morata penaltidan hisobni ochdi. Shundan so‘ng, Adana Demirspor bosh murabbiyi Mustafa Alper Avchı futbolchilarini yig‘ib, qisqa suhbatdan keyin jamoani kiyinish xonasiga olib chiqdi. Hakam ham maydonni tark etdi va o‘yin to‘xtatilgani e’lon qilindi.
Adana Demirspor vitse-prezidenti Metin Korkmaz bu qaror "Galatasarayga emas, hakamlar hay’atiga qarshi" ekanini ta’kidladi. Klub prezidenti Murat Sancak esa hakam haqida "Umid qilamanki, u Galatasarayga yoqishga harakat qilmaydi", degan fikrini o‘yindan oldin bildirgan edi. O‘yin tugagach, u qarorning sababi penaltidan norozilik ekanini tasdiqlab, "Bu Galatasarayga qarshi emas edi. Biz 99% yutqazgan bo‘lardik baribir", dedi.
Turkiya Futbol Federatsiyasi o‘yin natijasiga oid yakuniy qarorni chiqaradi. Galatasaray bosh murabbiyi Okan Buruk bu voqeani "Turkiya futboliga katta zarar" deb atadi va "Turkiya futbolini yomon ko‘rsatishga doim harakat bor", deya izoh berdi.
Fenerbahche esa ijtimoiy tarmoqlarda Galatasarayni tanqid qilib, "Siz tufayli ishonch va adolat qolmadi! Ammo siz har doim eng begunoh va jabrdiyda bo‘lasiz! Tabriklaymiz, Turkiya futboliga katta zarar yetkazdingiz!" deb yozdi.
Galatasaray vitse-prezidenti Metin Ozturk bunga javoban, "Adana Demirspor birinchi marta adolatsizlikka uchrayaptimi? Galatasaray birinchi marta adolatsizlikka uchrayaptimi? Agar har bir adolatsiz penaltidan keyin jamoalar maydonni tark etsa, liga to‘rtinchi haftada tugaydi", dedi.
Adana Demirspor prezidenti Murat Sancak esa qarorni Fenerbahche prezidenti Ali Koch ta’siri bilan qabul qilingani haqidagi ayblovlarga javoban, "Ali Koch ham, Turkiyadagi eng boy odam ham meni sotib ololmaydi.", deya keskin javob berdi.
👉 @SPORTVAQTIUZ