ZO'R TASVIR

Ҳурматли “ZOR TASVIR” журналининг мухлисларли! @ZOR TASVIR телеграм канали орқали эълон қилинаётган материаллар айрим сабабларга кўра @ZORTASVIR_RUS канали орқали бериб борилади. Болажонлар учун фототанловга юборилган суратларга овоз бериш давом этади. @ZORTASVIR_RUS
@ZOR TASVIR канали ёпилмоқда. Мухлислардан @ZORTASVIR_RUS каналига обуна бўлишингизни сўраймиз. Эътиборингиз учун раҳмат!

ИРОДАЛИ ИНСОНЛАР
МЕҲР ИЛА ПАРИЖДА

Баъзан ҳаёт шу қадар адолатсиз бўладики, бутун дунёдан яшириниб олгинг келади. Аммо тақдирдан ранжимасангиз, умидсизликка тушмасангиз, ўз бахтингизни топишингиз мумкин. Ксениянинг воқеаси шу ҳақида.

У мўъжазгина Заводоуховск шаҳарчасида туғилган. Ҳали жуда ёшлигидаёқ шифокорлар Ксенияда бедаво дардни — спинал-мушак амиотрофиясини аниқлашди. Ота-онаси уни эркалаб, шундай тарбиялашардики, қиз бошқа болалардан фарқ қилишини хаёлига ҳам келтирмасди. Аммо саккиз ёшида Ксенияда кўричак хуружи юз берди. Жарроҳлик операциясидан кейин эндигина хушига келганида, раҳмдил энаганинг “Бирам яхшики, афсуски юролмайди. Демак, турмушга ҳам чиқмайди, чунки бундай ногирон кимга ҳам керак. Бундай қийналгандан кўра, Худо жонини олиб қўя қолгани яхши эмасмиди”, деган сўзларини эшитди. Ксения ҳали бола бўлишига қарамай, ҳаммасини тушунди.

Фалсафа ва ҳаёт
Шумтака Ксюша оғир ва ўйчан қизга айланди. У ўқиш ва китоб мутолаа қилишга берилиб кетди.
10 ёшида у “Пўлат қандай тобланди”, “Сўна” каби асарларни ўқиб чиқди, 13 ёшида эса шарқ фалсафасини ўрганишга киришди. Бу ёшида у хасталиги сабаб, уйда ўқирди. Сўнг университетнинг сиртқи бўлимига ўқишга кирди. Тарих факультети, санъатшунослик ва маданиятшунослик — айнан у ёқтирган фанлар эди. Аммо Заводоуковскда олган билимларини қаерда қўллашини тасаввур қилолмасди. Бироқ иш топилди, у газеталар билан ҳамкорлик қила бошлади, маҳаллий радио ва телевидениега кўрсатувлар тайёрлади, юқори синф ўқувчилари учун маърузалар ўқиди, кичик синфларда халқ наққошлиги бўйича тўгаракларни юритди. Ҳаёти бир маромда кечарди...

САЛОМАТЛИК КЎЗГУСИ
ҲОЛСИЗЛИКНИНГ САБАБИ НИМАДА?
Доимий кучсизлик, руҳсизлик кайфиятида бўлиш, ҳолсизланишни одатда чарчоқдан деб биламиз. Аммо бунинг сабаби бошқа нарсада бўлиши мумкин.
Эҳтимол, сизнинг кучсизлигингизга аёлларда кенг тарқалган бузилишларнинг бири — темир моддаси танқислиги сабаб юзага келувчи камқонлик сабабдир. Темир моддасининг етишмаслиги мунтазам қон йўқотиш (хайз даврида), темир моддасининг яхши ўзлаштирилмаслиги, унинг ташқаридан керакли миқдорда организмга тушмаслиги (масалан, нотўғри овқатланганда ёки парҳезга берилиб кетганда) сабаб пайдо бўлиши мумкин. Темир моддасининг етишмаслиги сабаб қондаги гемоглобин даражаси тушади, эритроцитлар кислородни яхши боғлашмайди, тўқималар яхши “нафас ололмайди”. Шундан кучсизлик ва ланжлик ҳолати пайдо бўлади.

Ортиқча бўлиши ҳам хавфли
Агар ўзингизда камқонлик белгиларини сезсангиз, темир моддасини қабул қилишга шошилманг, аввал шифокорга мурожаат қилинг. Биринчидан, бу нафақат камқонлик, балки бошқа касалликларнинг белгиси бўлиши ҳам мумкин. Темир моддасини заруриятсиз қабул қилиш нохуш қўшимча таъсирларга олиб келади. Ортиқча темир миқдори қандли диабет, оғир жигар, юрак касалликлари ва ҳатто онкологияга олиб келиши мумкин.

Темир моддаси етишмаслиги камқонлигининг белгилари
1. Уйқучанлик. Камқонликда саккиз соатли тўлиқ уйқу ҳам тетиклик ҳиссини бермайди.
2. Бош айланиши. Мия кислород етишмаслигига таъсирчан. Шунинг учун камқонлик кўпинча бош айланишига олиб келади.
3. Юракнинг тез уриши. Гемоглобин даражасининг пастлиги юракни тез ишлашга мажбур қилади.
4. Безовта оёқлар синдроми. Бу одамни ҳар доим оёқларини ҳаракатлантиришга мажбурлайди.
5. Чарчоқ. Чарчоқ шунчалар кучли бўладики, инсоннинг ҳатто оддий дўконга чиқиб келишга ҳам ҳоли бўлмайди.
6. Оёқ-қўлларнинг музлаши. Кислород етишмаслиги туфайли тўқималар алмашинув жараёнларини тўлиқ амалга оширолмайди.
Давоми Зуртасвир журналида
@ZORTASVIR_UZ 👈🏻

УЙ БЕКАЛАРИ, СИЗ УЧУН!
САРИШТАЛИК СИРЛАРИ

Уй йиғиштириш ишлари ҳаммага ҳам ёқавермайди. Кимдир, очиғини айтганда, эринади, кимнингдир вақти бўлмайди. Бу жараёнга бир оз бошқача қаралса-чи?

Уй сиз учун қувват ва уйғунлик манбаи бўлиши керак. Шунинг учун ундаги тўпланиб қолган кераксиз нарсалардан қутулишга ҳаракат қилинг. Бунда вақт, куч ва асабларингизни тежашга қуйидаги маслаҳатлар ёрдам беради.

1. Эски-тускиларнинг тўпланиб қолишига йўл қўйманг. Сиз фойдаланмайдиган буюмлар бўшлиқни эгаллайди ва сиз нафас олаётган ҳавони ютади. Ҳар икки ойда буюмларни саралаб, фойдаланилмайдиганларини ташлаб юборинг. “Керак бўлиб қолар” деган фикрни хаёлингизга келтирманг. Агар чиройли қутича узоқ вақт бўш, чанг босиб ётган бўлса, ҳеч иккиланмай, уни ахлатга ташланг.

2. Хотира буюмларидан қутулинг. Собиқ дугонангиз совға қилган гулдон жуда чиройли, аммо ҳар сафар унга қараганингизда, маъюс тортасиз, алам ҳисси пайдо бўлади. Уни ташлагингиз келмаса, кимгадир бериб юборинг. Фойдасиз буюмлар ёқимли хотираларни ёдга солса ҳам, уларни йўқотинг. Уйни кераксиз буюмлардан бўшатиб, ўзингизни эркин ҳис қиласиз, ёқимли хотиралар ҳам сақланиб қолади.
@ZORTASVIR_UZ 👈🏻

ТАШРИФ
Бурак ОЗЧИВИТ:
“БИРГАЛИКДА ЮКСАКЛИККА ИНТИЛАМИЗ”
Бизга “Севги изтироби” (“Каra Sevda”), “Чолиқуши”(янги талқинда) сериаллари орқали севимли актёримизга айланиб улгурган Бурак Озчивит ватанимизга илк ташрифидаёқ “ZO‘R TV” телеканалининг меҳмони бўлди ва ўз мухлислари даврасида дилдан суҳбат қурди. Унинг айтишича, у бутун Ўзбекистон халқини ўзига яқин билади ва шунинг учун ҳам алоқаларимиз янада мустаҳкам бўлишини истайди. Учрашувга истеъдодли актёр Алишер Узоқов бошловчилик қилди.

— Кино оламига кириб келишингиз ҳақида…
— Илк ишим моделликдан бошланган. Ва ундан кейин мени сериалларга таклиф қилишган. Актёр сифатида фаолият олиб бораётганимга эса ўн беш йил бўлди. Дастлабки фильмим ёшларга оид сериал бўлган.
— Ўзбек киносида Туркия билан ҳамкорликда фильмлар суратга олинмоқда, қолаверса, турк актёрларининг жуда кўпчилиги айнан ўзбек фильмларида суратга тушишни бошлашди. Агар сизга ҳам шундай таклиф бўлиб қолса, сиз нима деган бўлардингиз?
— Мен одатда бирор-бир фильмга суратга тушишга розилик беришдан олдин унинг сценарийси билан танишиб чиқаман. Чунки бу фильмнинг қандай чиқишини белгилаб беради. Аммо сизлардан, яъни ўзбекистонлик режиссёрлардан ўзбек киносига ҳамкорлик таклиф қилинса, мен жон-жон деб рози бўлар эдим. Бизнинг фильмларимиз Ўзбекистонда севиб томоша қилинишининг сабаби шундаки, бизнинг томиримиз, қонимиз бир. Бизнинг халқларимиз маданияти, урф-одатлари ва ҳатто тили жиҳатидан ҳам бир-бирига ўхшайди. Шунинг учун ҳам бир-биримизга ёрдам бериб, биргаликда нафақат кино саноатида, балки бошқа соҳаларда ҳам янада юқорига кўтариламиз.
@ZORTASVIR_UZ 👈🏻