ДОСЛЫҚ ҲАҚҚЫНДА
Кеңесбай Рахманов,
1990-жыл.
Каналға ағза болыў: 👇
Телеграм | Инстаграм
📜 Дослықта болмас алыслық,
Хызмети оның қалыслық.
Бирақ та, достым дослық деп
Айтылмас мәзи таныслық.
Дослықта болмас қынсалық,
Салынбас оған қыт салық.
Биреўди ерксиз дос етпе,
Мойнына оның жип салып.
Дослықта болмас өкпе де,
Кеўлиңниң мүлкин төкпеде.
Жолы ғой оның дым нәзик,
Садық бол дүзиў өтпеге.
Кеңесбай Рахманов,
1990-жыл.
Каналға ағза болыў: 👇
Телеграм | Инстаграм