Avval o‘zimga, so‘ng sizlarga eslatma o‘laroq yozmoqdaman.

Ba’zan bilib-bilmay xatoliklarga yo‘l qo‘yamiz. Inson gohida adashishi, xato qilishi mumkin. Bu sifatlar insonda bo‘lishi mumkin, birodarlar. Biror aybi, xatosi, gunohi bor insonni bilsak, ko‘rsak, uni yomonlaymiz, uni yomon ko‘ramiz. Agar o‘sha inson o‘rnida o‘zimiz bo‘lganimizdachi? O‘sha bizga gunohi, xatosi oshkor bo‘lgan kishining haqqiga duo qildikmi hech? Yomonlashga, xatosini boshqalarga yetkazishga tayyormiz, ammo uning haqqiga duo qildikmi, birodar?! Gunohidan xabardor ekanmiz, tavbasidanchi?! Tavbasidan xabarimiz bormi? Inson borki, xatokordir. Alloh qalbimizni isloh qilsin.

Agar biror aybimiz, xatoyimiz, gunohimizdan xabardor bo‘lsangiz, bizga eslatma qiling. Alloh holimizni isloh qilsin, haqqimizga duoda bo‘ling.