ривоятларга кўра, Намруд катта бир олов ёқиб, ҳазрати Иброҳим алайҳиссаломни у ерга ташлашга қарор қилади. барча жонзотлар буни кўриб турган вақтда, кичик бир чумоли оғзига озгина сув олиб, оловга қараб йўл олади. Уни кўрганлар ҳайрон бўлиб, чумолидан сўрайдилар:
— нима қилмоқчисан?
— оловни ўчиришга ҳаракат қиляпман.
шунда улар кулгу билан дейишади:
— сенинг кичик оғзингдаги сув бу катта оловни ўчира олмайди!
чумоли шундай деб жавоб беради:
— мен буни биламан. лекин Аллоҳ менинг қайси томонда эканимни кўрсин.