"Vomiq va Uzro" - yaqin va Oʻrta Sharq xalqlarining ogʻzaki va yozma adabiyotida keng tarqalgan anʼanaviy epik asar. Davlatshoh Samarqandiy hamda oʻrta asr ijodkorlari asarlaridagi ma'lumotlarga koʻra, ushbu mavzu islomgacha ham mashhur boʻlgan. Asarning variant va versiyalari koʻp. Folklor nusxalariga koʻra, arablarning Sa'd qabilasi boshliqlaridan biri Sokinning yolgʻiz oʻgʻli Vomiq gul sayliga ketayotib, chavandoz Zaydning qizi Uzroni uchratadi. Yozma adabiyotdagi variantlarda Vomiq Uzroning suratini koʻrib unga oshiq boʻladi. Rahmatulla Yusuf oʻgʻlidan yozib olingan "Vomiq va Uzro" dostoni diqqatga sazovordir. Yozma adabiyotda shoir Unsuriga(11-asr), Husayn Damiriy Isfaxoniy(16-asr) va boshqalar asarlar yaratganlar. Bundan tashqari ushbu doston nomini Alisher Navoiyning "Topmadim" radifli gʻazalida uchratishimiz mumkin. Ahmad Tabibiy esa "Vomiq va Uzro" dostonining oʻzbekcha she'riy (masnaviy) variantlarini yaratgan (8100 bayt).

🤝 Do‘stlaringizga ham ulashing. Zero, ilm ulashmoq ham ehsondir!

📚@zakadabiyot — Adabiyot ummoni