Meni yig'lamaydi deya sizga kim aytdi,
Kim kirib chiqibdi mening terimga.
Qo'ying bila turib yana mix qoqmang,
Hammadan ham ko'proq og'rir yerimga.

Meni yig'lamaydi deya sizga kim aytdi,
Ko'nglimdan toshlarni terganlar bormi.
To'g'risi shu so'ngi kunlar ichida,
Yig'lamay yurganimni ko'rganlar bormi.

Men ham issiqjonman menda ham qalb bor,
O'ylamang dardlardan diydasi qotgan,
Uyimda bironta burchak qolmagan
Men borib berkinib yig'lamay yotgan.

Shu ham gap bo'ldimi,men ham ayolman,
Yig'lamagan ayol qanday bo'ladi.
Bir kun yig'lamasam ertasi albat,
Cho'kib o'ldi degan xabar keladi.

Meni yig'lamaydi deya sizga kim aytdi