Yanvar. Yilning ilk oyi. Kechagina “Yangi yil”, deb kutgan kunlarimizdan 31 tasi ham o‘tib ketdi. Yaxshi-yomon xotiralar miyyamizdagi fayllar orasiga qo‘shildi. Yangi oy, yangi voqealar... Hafta tugashi bilan poytaxt sari yo‘l oldim. Albatta, ilk kunlar biroz sarosima, biroz hadik, yana bir-ikki “kasofatchalar” ham boʻldi.

Yana oʻsha katta shahar, notanish odamlar, tinimsiz o‘ylar… va talabalik hayoti. Yanvar bizni sinovga hozirladi– sessiya! Hayotimdagi birinchi sessiya. Qiyin ham, oson ham. Bir oyim deyarli imtihonlar girdobida o‘tdi. Bir kun – 5, boshqa kun – 3, yana 4 baho… Axir yettita fandan imtihon topshirish oson emas! Ayniqsa, testlar kompyuterda bo‘lsa. “O‘qisang, oson bo‘ladi,” ammo talaba zoti shunday – imtihonga bir kun, hatto bir soat qolganda tayyorgarlik boshlaydi. Lekin mayli, eng muhimi – sessiya ortda qoldi!

Yanvar oxiri xursand qilgani rost. Men kutganim, ism-familiyam bilan lavham efirga uzatildi. Mustaqil syomkalarga chiqa boshladim. Yillar davomida qadrli bo‘lib qolgan davraga qo‘shilish vanihoyat nasib etdi. Xatolar qildim, ba’zida minnatdorchilik eshitdim, ba’zida esa tanbeh oldim. Ammo bu oydagi har bir tajribadan mamnunman.

Oʻtgan yil aynan shu oyda qilingan orzular, bu yili bo‘y ko‘rsatdi. Shukr! Kelasi oydan umidlarim katta. Yo‘lim yorug‘ bo‘lishi uchun esa sizning duolaringizga muhtojman. Shu kungacha yonimda bo‘lganingiz, qo‘llab-quvvatlaganingiz uchun tashakkur!

Keyingi oy men uchun juda ham muhim! Hammamiz uchun Fevral yanada go‘zal, omadli kelsin!❤️