Maqsad yoxud aytilmagan vasiyat
( " Hayot daftari 3 " kitobi uchun hikoya qoralamasi)
Shahloning bilim olishga mehri baland edi. Til o‘rganishga qiziqqanligi uchun ham to‘garakka a’zo edi. Biroq hayot bir tekis emas deganlaridek, otasining baxtsiz halokati qizning orzularini chilparchin qilib yubordi.
Shahlo oilada yolg‘iz farzand emasdi. Uning uchta ukasi ham bor edi. Shahloning onasi farzandlarim qiynalmasin, deb ikki smenada ishlasa-da lekin kundalik xarajatlar, narx-navoning, kommunal to‘lovlarning yildan yilga oshib borishi tufayli ularni to‘lashga qurbi yetmay qolar, Aksiga olib oilada iqtisodiy kamchiliklar kun sayin ortib borar, muammolar ham shunga yarasha bo‘y ko‘rsata boshlagandi.
Shahlo onasining qiynalib ishlashidan, topgan pullari ro‘zg‘orga yetmayotganligi uchun yordam so‘rab u yoqdan bu yoqqa murojaat qilayotganligidan hijolat tortar edi.
Shahlo darsdan so‘ng to‘g‘ri bozorga borib, ish izladi. O‘ziga mos ish yo‘qdek ko‘rinsa-da, u meva-cheva, sabzavot, sut-qatiq sotayotgan ayollar yoniga borib, unga ham biror yumush topib berishlarini iltimos qildi....
Shahlo bo‘ylari baland, chaqqon qiz edi. U sotuvchi ayollarga yuklarini tashishda yordam berar, topgan daromadiga ukalari uchun biror narsa olardi. U tinmay mehnat qilar, hatto charchaqdan to‘garakga ham bormay qo‘ygandi.
Oradan bir qancha vaqt o‘tgach uning onasi ishdan vaqtli kelib, qizini yoniga chaqirdi va qizidan nega to‘garaklarga bormayotganligi sababini so‘radi. Shahlo to‘garaklar narxi oshganligini, hattoki daftar-ruchka olishda ham muammolar paydo bo‘layotganligini aytmoqchi bo‘ldi-yu, biroq, onam ranjib qolmasmikanlar, degan fikrda onasining yoniga keldi. Uning mehnatdan qavarib ketgan, ammo hali hamon iliq qo‘llarini ushladi-da, shunday javob berdi.
- oyijon, axir hozirda iqtisodimiz yaxshi emas-ku..... Shu kungacha bizlarga shuncha narsa olib berib, biror marta o‘zingizga hech narsa olmadingiz. Agar men ham ishlasam ozgina ro‘zg‘orga foydam tegarmidi.... O‘sha to‘garaklarga ishlatayotgan pullarimizni oilamizga ishlatsakmi. Ukalarim uchun.... - deya Shahlo ochiqchasiga javob berar, uning gaplari ko‘ngildan chiqayotganligi sezilib turardi.
Ona qiziga bir muddat sukunat bilan qarab turdi. Qizi ukalarim uchun, degan gapi uning kelajakda oilasi uchun chinakam mehribon qiz bo‘lib o‘sayotganligidan dalolat berib turardi. Onaning qalbida umid uchqunlari bahor nafasidek yoqimli orom bera boshladi. Biroq u rahmatli eri Shahloni kelajakda o‘qimishli bo‘lishini istaganini bilar, erining bu orzusini amalga oshirishni o‘ziga erining vasiyati sifatida ko‘rganligi uchun ham, qizini o‘qitishni asosiy maqsad qilgan edi. Ona qizining sochlarini qadoq qo‘llari bilan siladi-da, unga shu gaplarni aytishni o‘ziga ma’qul deb bildi:
- To‘g‘ri, hozir ahvolimiz yaxshi emasdir. Biroq kelajakda albatta yaxshi bo‘ladi. Buni sen amalga oshirasan, qizim. - Shahlo taajjub bilan onasiga boqdi - ilmli bo‘lsanggina bir kun mensiz ham ukalaringga yordam bera olishing mumkin.....
(davomi bor. Aniqrog‘i hayotni kuzatib, Xudo xohlasa davom ettiramiz)
© Shohruh Karimov QarshiDU & 20-maktab
( " Hayot daftari 3 " kitobi uchun hikoya qoralamasi)
Shahloning bilim olishga mehri baland edi. Til o‘rganishga qiziqqanligi uchun ham to‘garakka a’zo edi. Biroq hayot bir tekis emas deganlaridek, otasining baxtsiz halokati qizning orzularini chilparchin qilib yubordi.
Shahlo oilada yolg‘iz farzand emasdi. Uning uchta ukasi ham bor edi. Shahloning onasi farzandlarim qiynalmasin, deb ikki smenada ishlasa-da lekin kundalik xarajatlar, narx-navoning, kommunal to‘lovlarning yildan yilga oshib borishi tufayli ularni to‘lashga qurbi yetmay qolar, Aksiga olib oilada iqtisodiy kamchiliklar kun sayin ortib borar, muammolar ham shunga yarasha bo‘y ko‘rsata boshlagandi.
Shahlo onasining qiynalib ishlashidan, topgan pullari ro‘zg‘orga yetmayotganligi uchun yordam so‘rab u yoqdan bu yoqqa murojaat qilayotganligidan hijolat tortar edi.
Shahlo darsdan so‘ng to‘g‘ri bozorga borib, ish izladi. O‘ziga mos ish yo‘qdek ko‘rinsa-da, u meva-cheva, sabzavot, sut-qatiq sotayotgan ayollar yoniga borib, unga ham biror yumush topib berishlarini iltimos qildi....
Shahlo bo‘ylari baland, chaqqon qiz edi. U sotuvchi ayollarga yuklarini tashishda yordam berar, topgan daromadiga ukalari uchun biror narsa olardi. U tinmay mehnat qilar, hatto charchaqdan to‘garakga ham bormay qo‘ygandi.
Oradan bir qancha vaqt o‘tgach uning onasi ishdan vaqtli kelib, qizini yoniga chaqirdi va qizidan nega to‘garaklarga bormayotganligi sababini so‘radi. Shahlo to‘garaklar narxi oshganligini, hattoki daftar-ruchka olishda ham muammolar paydo bo‘layotganligini aytmoqchi bo‘ldi-yu, biroq, onam ranjib qolmasmikanlar, degan fikrda onasining yoniga keldi. Uning mehnatdan qavarib ketgan, ammo hali hamon iliq qo‘llarini ushladi-da, shunday javob berdi.
- oyijon, axir hozirda iqtisodimiz yaxshi emas-ku..... Shu kungacha bizlarga shuncha narsa olib berib, biror marta o‘zingizga hech narsa olmadingiz. Agar men ham ishlasam ozgina ro‘zg‘orga foydam tegarmidi.... O‘sha to‘garaklarga ishlatayotgan pullarimizni oilamizga ishlatsakmi. Ukalarim uchun.... - deya Shahlo ochiqchasiga javob berar, uning gaplari ko‘ngildan chiqayotganligi sezilib turardi.
Ona qiziga bir muddat sukunat bilan qarab turdi. Qizi ukalarim uchun, degan gapi uning kelajakda oilasi uchun chinakam mehribon qiz bo‘lib o‘sayotganligidan dalolat berib turardi. Onaning qalbida umid uchqunlari bahor nafasidek yoqimli orom bera boshladi. Biroq u rahmatli eri Shahloni kelajakda o‘qimishli bo‘lishini istaganini bilar, erining bu orzusini amalga oshirishni o‘ziga erining vasiyati sifatida ko‘rganligi uchun ham, qizini o‘qitishni asosiy maqsad qilgan edi. Ona qizining sochlarini qadoq qo‘llari bilan siladi-da, unga shu gaplarni aytishni o‘ziga ma’qul deb bildi:
- To‘g‘ri, hozir ahvolimiz yaxshi emasdir. Biroq kelajakda albatta yaxshi bo‘ladi. Buni sen amalga oshirasan, qizim. - Shahlo taajjub bilan onasiga boqdi - ilmli bo‘lsanggina bir kun mensiz ham ukalaringga yordam bera olishing mumkin.....
(davomi bor. Aniqrog‘i hayotni kuzatib, Xudo xohlasa davom ettiramiz)
© Shohruh Karimov QarshiDU & 20-maktab