Yoshlar kundaligi | Rasmiy

#Туйғу

Ёдингдами гул сайли эди,
Кўнгил сайли, дил сайли эди.
Баҳор ҳам биз туфайли эди,
Сен мен учун, мен сен учун.

✍️ Иқбол Мирзо

🖼️Образда: “Ёшлар кундалиги” вакиллари.

Yoshlar kundaligi

#Мунир_лаҳзалар

🎙Шоҳсанам ўзбекнинг қизи. Аммо бошқа тилдаги қўшиқларни ҳам маромига етказади. Ижроси дардли, овозининг ўзида қандайдир мусиқа бор.

◀️ Видеодаги ижрога ўзингиз баҳо беринг!

Yoshlar kundaligi

#Ташриф

Парижнинг энг гўзал ресторанларин,
Битта тандирингга алишмасман мен.

✍️ Муҳаммад Юсуф

🇺🇿 Президент Шавкат Мирзиёев айни пайтда давлат ташрифи билан Францияда бўлиб турибди. Парижда Юртбошимизни тантанали кутиб олишди. Бундан ташқари ўша ерда истиқомат қилаётган ватандошларимиз ҳам Ўзбекистон етакчисининг йўлига пешвоз чиқдилар.

Yoshlar kundaligi

#Ифтиxор

Эйфел минораси атрофида янграётган ўзбек миллий мусиқаси ва рақси…😍

Yoshlar kundaligi

#Мулоҳаза

📌 Бизнинг ўқишимиз, ўз устимизда ишлашимиз учун ҳозир ҳам уйда қуруқ нон билан аччиқ пиёзни чайнаб ўтирган ота-оналар етарли.

🔨 Фарзанди учун ёмғирли кунда оёғидан сув ўтса ҳам чуқур конларда, хашаматли хонадонларда турли юмушларни бажараётган Оталар йўқ деб ўйлайсизми?

🚀Ўрнингиздан туринг, қўзғалинг, дўстим! Эртага ота-онангиз тишлари тўкилиб, ошқозони яхши ишламайдиган бир аҳволида, томидан чакки ўтиб турган эски уйда, яна нон билан пиёз еб ўтирмаслиги учун сиз, ҳа ҳа, айнан сиз жавобгарсиз.

🎙Биз шу қўшиқ билан эслатдик холос. Хулосани ўзингиз чиқарасиз.

Yoshlar kundaligi

#Ижтимоий_ролик

‼️Вақтни беҳуда сарфлаб, телефон ва ундаги дастурларга фойда келтириш билан, ундан ўз фойдаси йўлида фойдаланишнинг фарқи бор.

🇨🇳Ҳозир аксарият одамлар Хитой ишлаб чиқарадиган телефонларни ишлатишади. Хитойликларнинг ўзи эса боласининг қўлига телефон эмас, китоб тутқазади. Бир қўлига ғишт, икинчисига китоб кўтартириб, йиғлатиб ўқитади. Натижада Хитойнинг фарзанди, телефонга вақт ўтказиш воситаси эмас, ишлаб чиқариш, одамларни бошқариш ва даромад олиш объекти сифатида қарайдиган уддабурон бўлиб етишади.

✅ Зойир Мирзаев ўтган йили Тошкент вилояти бўйлаб "Телефонсиз мактаб" ташаббусини илгари сургани айни муддао бўлган эди. Умид қиламизки, келгусида мактаб ўқувчиларини телефондан узоқ тутиш амалиётига бутун Республика миқёсида эътибор қаратилади.

"Ёшлар кундалиги" юқоридаги видео орқали биргина зарарли оқибатни кўрсатди холос. Родиация, нурланиш, оммавий онгсизлашув, хотира пасайиши каби хатарли ҳолатлар ҳақида индамадик ҳалиям. Сиз бунга нима дейсиз?

Yoshlar kundaligi

#Санъат

💥Тасодифан яратилган қўшиқ ва француз продюсерлари билан имзоланган шартнома

Безори, "кўча" йигити образида "Салом алайкум, поцаны" қўшиғи билан ижтимоий тармоқни "портлатган" "Azamchik" тахаллусли ижрочини ёшлар яхши таниса керак.

⚡️"Azamchik" ким?

Исм-шарифи Аъзам Муллажонов. 1994 йил Фарғона вилоятида туғилган. Оилали, икки фарзанднинг отаси.

Болаликдан санъатга қизиқади, оиласидагиларнинг қаршилигига қарамай аввал мусиқа мактабини, кейин шу йўналишдаги коллежни тамомлади. Олий маълумотни ҳам мусиқа йўналишида олди. Институтни битириб, Қўқондаги мусиқа мактабида дарс бера бошлади.

Кўриниши "кучинский" бўлса ҳам Аъзам онасини қаттиқ яхши кўради ва ҳурмат қилади. Чунки ёлғиз боши билан фарзандларини вояга етказгани, ўқитгани, бу йўлдаги машаққатларни ўғил яхши билади.

💥 Уйғониб, машҳур бўлди

Аъзам аввалига мақом куйлаган, кейин эстрадага ўтган. Поп юлдузи Жастин Тимберлейкнинг фанати. Қўшиқларини оммалаштириш мақсадида безори йигити  образи ва shanson йўналишида қўшиқ қилиш ғояси туғилади. Бу иш беради. Камтарона студиясида тайёрланган қўшиқнинг ҳомаки варианти қисқа муддатда Тик-токда юз минг маротаба кўрилади. Тасодифан яратилган "Салом алейкум" қўшиғи эса ташриф қоғозига айланди.

Ҳозирги кунда уни Марказий Осиё, Саудия Арабистони, Россия, Туркия ҳамда Италияда эшитишади. Қисқа вақт ичида хорижнинг кўп давлатларида концерт бера бошлади. Кейинроқ “Розалина”, “Дядя Вася” ва “Маргарита” қўшиқларини ҳам яратди.

Унинг бугунги чиқишлари Россиянинг машҳур рэп ва поп қўшиқчиси Моргенштер услубини ёдга солади.

🇫🇷 Чет эл билан шартнома

"Azamchik" франциялик продюсерлик компанияси билан тўртта қўшиқ ва иккита альбомни яратиб бериш учун шартнома имзолаган. Шартнома 105 минг АҚШ долларига баҳоланди. Яқинда Россияда навбатдаги концертини бериб қайтди.

❗️Аъзамнинг муваффақиятларида унинг мусиқий таълимни тизимли ўзлаштиргани, назария ва амалиётни бирлаштира олгани қўл келгани аниқ.

Аъзамчикни юлдузга айлантирган "Салом алейкум" қўшиғини тинглаб, баҳо беринг.

Yoshlar kundalogi

#Тавсия

😍БАҲОРДА БОРИШ ШАРТ БЎЛГАН 10 ТА ЛОКАЦИЯ

Эртадан бошлаб юртимизда ростмона баҳор нафаси сезила бошлайди. Қишнинг дим ҳавосидан кейин, кўпчилик баҳорда қир-адирларга, боғу бўстонларга талпинади. Ўзбекистонда баҳор фаслида ташриф буюриш тавсия этиладиган 10 та жойни эътиборингизга ҳавола этамиз.

1. 🌷Наманган Гул байрами: Халқаро миқёсга кўтарилган ушбу байрам нафақат Наманганнинг, балки Ўзбекистоннинг ҳам рамзига айланган. Баҳор ойларидаги энг катта сайилда иштирок этинг.

2.⛰ Паркент, Красногорск: Карантиндан сўнг оммалашган бу масканда баҳорда тошкентликлар чодирлар қуриб дам олади. "Эски дўстлар" қўшиғи билан танилган бу жойда мадор сомса билан пикник қилиш айни муддао.

3. 🌸Қувада ўрик гуллаганда: Ўрик гуллаши – ўзбек халқининг энг гўзал ва романтик даври. Қийғос гуллаган боғлар бағрида табиатга сингиб, япон сакурасининг нафислигини ёдга солувчи манзарадан баҳраманд бўлинг.

4. 😍Паркент, Сўқоқ: Мадор сомса мавсуми: Мадор сомсанинг бетакрор таъмини тотиб кўриш учун Сўқоққа оилавий саёҳат қилинг. Сўрида ўтириб, тоғ ҳавоси ва булбулларнинг сайроғидан завқланинг.

5. 🌹Оҳангарон: Лолақизғалдоқ сайли: Галақудуқ ва Телов қишлоқларида лолақизғалдоқларнинг оловранг гиламини томоша қилинг. Миллий ўйинлар ва таомлардан баҳра олиб, баҳорнинг жозибасини ҳис этинг.

6. 🎶Сурхондарё: Бойсун баҳори: Анъаналар бешигида халқаро фольклор фестивалига ташриф буюринг. Бу ерда халқ оғзаки ижоди ва ҳунармандчилик намуналари билан танишиш имкони мавжуд.

7. ☺️Зарафшон водийси: Баҳорда яшил либосга бурканадиган Зарафшон водийсининг гўзал табиати ва меҳмондўст халқи билан танишинг. Самарқанд ва Жиззахнинг тарихий обидаларини зиёрат қилишни ҳам унутманг.

8.⛷ Чимён тоғлари: Қорли чўққилар, яшил ўрмонлар ва ранг-баранг гуллар билан безалган Чимёнда сайр қилинг. Тоза ҳаводан тўйиб нафас олиб, табиат қўйнида дам олинг ёки экстремал спорт турлари билан шуғулланинг.

9. 🌄 Термиз: Қадимий шаҳар баҳори: Термиз - Ўзбекистоннинг энг жанубий шаҳри. Баҳорда бу ерда ҳаво илиқ ва қулай бўлади. Қадимий буддавийлик ёдгорликларини зиёрат қилинг, Амударё соҳилида сайр қилинг ва Сурхон воҳасининг бетакрор табиатидан завқланинг.

10.😊 Хоразм, Хива: Қадимий Хива деворлари ортига саёҳат қилинг. Баҳорда бу шаҳар янада жозибали кўринади. Хоразмликларнинг меҳмондўстлигидан баҳраманд бўлинг.

Yoshlar kundaligi

#Кайфият

Бола пошшо бўлади. Қўл остида минглаб ходими бор катта раҳбарлар ҳам болага бош эгадилар. Нима дедингиз?😉

Yoshlar kundaligi

#Мулоҳаза

◀️ Мулойимлик билан аччиқ ҳақиқат айтилибди. Даврон Кабуловнинг бу гапларига сиз нима дейсиз?

Yoshlar kundaligi