🤝 Yoshlar parlamenti yoshlar hayotiga daxldor masalalar yechimi bo‘yicha izchil faoliyat yuritadi

Oliy Majlis Senatining to‘rtinchi yalpi majlisida yoshlar masalasiga e’tibor qaratilib, shu yo‘nalishda qo‘yilayotgan vazifalar ijrosida parlamentning o‘ziga xos o‘rni borligi qayd etildi.

🔗 Yoshlar parlamenti a’zolari ayni paytda xalq deputatlari ekanidan kelib chiqib, Senat va mahalliy kengashlarning uzviy hamkorligini ta’minlash, parlament nazorati tartibida birgalikda o‘rganishlar, tadqiqot va tahlillar o‘tkazish, hududlar manfaatlariga doir asoslangan taklif va tashabbuslarni ilgari surishda faollik ko‘rsatadi.

🔗 Qo‘mita va komissiyalar o‘z faoliyatida Yoshlar parlamenti bilan amaliy hamkorlikni yo‘lga qo‘yadi. Ish rejalarini shakllantirishda ularning ham takliflarini inobatga oladi. Hududlarda bo‘ladigan parlament nazorati tadbirlariga, shuningdek, xalqaro parlamentlararo muloqotlar (tashriflar, anjumanlar)ga Yoshlar parlamentining joylardagi a’zolarini faol jalb qiladi. Tegishli soha va yo‘nalishlarni rivojlantirish masalalarida Yoshlar parlamenti a’zolarining g‘oya va tashabbuslari e’tiborga olinadi.

Ijtimoiy tarmoqlarni kuzatib boring:
🕊Telegram 📱Instagram
📱Facebook 📺YouTube 🌐Sayt