Uchko‘prik tumanida Prezident archasi bayram tadbiri o‘tkazildi

Beg‘ubor va orzu-umidlar fasli bo‘lgan qishning ko‘rkli bayrami – Yangi yil Uchko‘prik tumanida ham o‘ziga xos nishonlanmoqda. Tuman markazida bezatilgan bayram archasi atrofida Qorbobo, Qorqiz, turli ertak qahramonlari bolajonlarga bayramona kayfiyat ulashmoqda. Teatrlashtirilgan bayram tomoshalari, madaniyat bo‘limi, bolalar musiqa va san’at maktabi o‘quvchilarining konsert dasturlari namoyish etilmoqda.

Tuman hokimligi, Yoshlar ishlari agentligi, "Inson" ijtimoiy xizmatlar markazi, Maktabgacha va maktab ta’limi bo‘limi hamkorligida tashkil etilgan ushbu tadbirga kam ta’minlangan oilalar, yurtimiz tinchligi va barqarorligini asrash yo‘lida halok bo‘lgan harbiy xizmatchilarning farzandlari ham taklif etildi.

Tuman san’atkorlari, maktabgacha ta’lim tashkilotlari tarbiyalanuvchilari, musiqa va san’at maktabi badiiy jamoalari maxsus tayyorlangan konsert dasturini namoyish etishdi. Qorbobo va Qorqiz, turli ertak qahramonlari ishtirokidagi teatrlashtirilgan tomoshalar, baxtli bolalik, go‘zal diyorimiz madh etilgan qo‘shiqlar, sho‘x kuylar bolalarga bir olam zavq bag‘ishladi.

Bizni kuzatib boring:
📱 Telegram  📱 Instagram
📱 Youtube   📱 Facebook