Yazdurdiyev | #МарсликОвчи

АҚШ ва Ўзбекистон камбағалларининг фарқи: Қиёсий таҳлил

Таҳлил натижаларига кўра, АҚШлик ва Ўзбекистонлик камбағаллар ўртасида эҳтиёжлар ва имкониятлар жиҳатидан катта фарқлар мавжуд.

🇺🇸 АҚШлик камбағалларнинг асосий эҳтиёжлари:
• Доимий бошпана (уй ва ётоқ)
• Молиявий барқарорлик (пул)
• Муносиб озиқ-овқат таъминоти
• Мулоқот воситалари (телефон)
• Сифатли тиббий хизмат

🇺🇿 Ўзбекистонлик камбағалларнинг асосий эҳтиёжлари:
• Юқори маош ва барқарор даромад
• Оқова сув ва қулайликлар
• Шахсий транспорт (машина)

🇺🇸 АҚШлик камбағалларда мавжуд бўлган имкониятлар:
• Ёпинчиқ
• Давлат томонидан тақдим этилган тиббий суғурта ва ижтимоий ёрдам дастурлари

🇺🇿 Ўзбекистонлик камбағалларда мавжуд бўлган имкониятлар:
• Шахсий уй ва томорқа ҳудуди
• Минимал ойлик маош ёки давлат нафақаси
• Мулоқот воситаси — телефон

Камбағалликдан чиқишда масъулият:
🇺🇸 АҚШда фуқаро ўз имкониятлари ва меҳнати орқали камбағалликдан чиқиши лозим. Жамият унинг шахсий ҳаракатини асосий омил сифатида кўради.
🇺🇿 Ўзбекистонда эса давлатнинг қўллаб-қувватлови ҳал қилувчи аҳамиятга эга. Фуқаролар кўп ҳолатларда давлат томонидан яратиладиган имконият ва шароитларга суянади.

Маҳалла раиси сайлови бошланишига ҳам оз қолди. Сиз учун бу сайлов қай даражада муҳим? “Маҳалла еттилиги”нинг қай бири самарали фаолият кўрсатмоқда?

Сукут – енгилганлик белгиси эмас!

Россия Ташқи ишлар вазири Сергей Лавровнинг Самарқанддаги “Мотамсаро она ҳайкали” пойига гул қўйиб, “Бу ерда инглиз тилида ёзув бор, лекин русчасини кўрмадим”, деган сўзи ижтимоий тармоқда анча шов-шувга сабаб бўлди.

Бир қарашда оддий гап, аммо бу сўз остида яна кимгадир ишора, кимларнидир синовдан ўтказиш истаги бордек.

Улар аслида ўзбек расмийлари гапирсин, демаяптими? “Мени эшитяпсизми?” демоқчи, балки “менга гапиряпсизми?” деб сўрашимизни кутяпти. Иее, менга айтяптими, менга-я?, деб туриб, қабих ниятини ошкор қилмасин. Ўзи асрасину, агар улар қора қадам ташлаб қўйишса, бугун ҳайқираётган “интернет полвонлар”нинг айримлари четдаги вилласида туриб, бизга бефарқ бўлмай, маслаҳат ва йўл йўриқ кўрсатишса керак!?. Танқид қилаётганлар ичида ор учун куйинаётганлар ҳам кўп, аммо бу вазиятда жим туриб, кулиб қўйиш ҳам тўғри ечим.

“Сукут ҳар доим енгилганлик белгиси эмас. Баъзида энг юксак жасорат, энг ақлли қарор — гапирмасликдир.”

Бу — ҳудди увиллаётган бўри олдида салобат билан жим турган тоғдек. Ҳеч қандай жавоб бермасдан, лекин бор қудрати билан “менимча бўлмайди” дейдиган жимлик.

Мўғуллар империяси ҳам 170 йил, СССР ҳам 70 йил яшамаган. Империялар келади, кетади. Лекин халқ қолади. Ва тинчлик. Вақт халқ томонда. Сабр таги олтин, лекин бу олтинни кучи етганларгина тута олади.

Президентнинг яқинда қабул қилинган фармонида динга бўлган муносабатидан келиб чиқиб устунлик бериш, камситиш ҳамда виждон эркинлиги кафолатларини бузишнинг барча кўринишларига йўл қўймаслик қатъий таъкидланган.

Бу жуда муҳим ва замонавий ҳаётимизда долзарб масаладир. Бироқ, бу ерда айрим нозик нуқталарни ҳам эътибордан четда қолдирмаслик лозим.

Динга бўлган муносабатидан келиб чиқиб устунлик бериш деганда, ҳар қандай чегарасиз, шахсий қарашларга асосланган талабларни амалга ошириш назарда тутилмаган, деб ўйлайман.

Масалан, ҳижоб масаласини олайлик. Бизда кўпинча ҳижоб ёки ниқобни диний либос сифатида қабул қилишади. Бироқ ҳижоб — бу Исломдан аввал ҳам арабларда миллий, маданий либос бўлган. Исломда “ҳижоб” сўзи парда, тўсиқ маъносини англатади.

Шариатда мўмин аёллар авратларини, яъни юзи ва кафтларидан ташқари қисмларини бегона эркакларга кўрсатмаслиги тарғиб қилинади. Шунинг ўзи етарли бўлган ҳолда, баъзи инсонлар юзини тўлиқ беркитиб олишади.

Эслатиб ўтиш жоизки, амалдаги қонунчилигимизга кўра, жамоат жойларида шахсни аниқлаш имконини чекловчи ҳолат — яъни юзни тўсиб юриш — ҳуқуқий жавобгарликка сабаб бўлиши мумкин.

Аллоҳ қалбимиздаги иймонга қарайди. Шу боис, қалб поклиги, хулқнинг гўзаллиги, сўз ва амалнинг тозалиги — ҳақиқий иймоннинг нишонасидир.

Бир ҳикматли иборада шундай дейилади:
“Иймон либос эмас — кийиниб кўрсатиб юриладиган. У юракдаги нур, яширин ҳолда қалбдан қалбга йўл топади.”

Қуръон ва ҳадисларда ҳам иймон юракда бўлиши, у амал орқали намоён бўлиши, камтарлик ва самимият билан уйғунлашиши таъкидланган.

Шу боис, келинг, қалбимизда иймон бўлсин, хулқимизда гўзаллик, сўзимизда ҳакиқат бўлсин. Ана шунда жамиятда ҳам, ҳаётимизда ҳам ҳақиқий нур ва барокат ҳукм суради.

Агар ҳуқуқни муҳофаза қилувчи органлар ҳар ойда бир коррупция тадбирини ўтказса, туғруқхоналарда қисман бу иллат камаяди. Бошқача йўли йўқ!

Сунъий интеллект ёрдамида Ўрта Осиёдаги бир ойда энг кўп ўқиладиган оммавий ахборот воситалари рўйхатини туздим.

Унга кўра, қуйидагича ташрифлар бўлади:

Kun.uz (Ўзбекистон) 15-20 млн,

Daryo.uz

(Ўзбекистон) 10-15 млн,

Tengrinews.kz

(Қозоғистон) 10-12 млн,

Gazeta.uz

(Ўзбекистон) 5-7 млн,

informburo.kz

(Қозоғистон) 4-6 млн,

AKIpress.org

(Қирғизистон) 2-3 млн.

“Роддом”да неча киши ва неч пулдан олишади чақалоқ суюнчисига, улар кимлар?

Келинг, реал ҳолатлар ҳақида гаплашамиз!