Бугун Яшнобод туманида "Маҳаллаларда ёшлар билан ишлаш масалаларини Мувофиқлаштириш бўйича Яшнобод туман прокурори З.Р.Зиядуллаев ва Яшнобод туман ИИО ФМБ бошлиғи О.А. Қаюмхўжаев ҳамда мутасадди ташкилотлар томонидан тумандаги 67 та маҳалла ёшлар етакчилари иштирокида йиғилиши бўлиб ўтди.

Ушбу йиғилишда, Ўзбекистон Республикаси Президентининг 2025 йилда республика маҳаллаларида хавфсиз муҳитни
яратиш ва ҳуқуқбузарликларнинг барвақт олдини олиш тизими самарадорлигини янада ошириш бўйича чора-тадбирлар тўғрисидаги, 03.01.2025 йилдаги ПҚ-1-сон қарори ва Ўзбекистон Республикаси Президентининг 2022 йил 19 январдаги “Маҳаллаларда Ёшлар билан ишлаш тизимини тубдан такомиллаштириш, чора-тадбирлари тўғрисида”ги ПҚ-92 сонли қарорида белгиланган вазифалар ижроси юзасидан;

Маҳаллаларда ёшлар, аёллар ва ишсизлар томонидан, шунингдек, оила-турмуш муносабатлари доирасида содир этиладиган жиноятларнинг олдини олишда “маҳалла еттилиги” ҳар бир вакилининг аниқ масъулиятини белгилаш, ушбу тоифадаги ҳуқуқбузарликлар профилактикасига янгича иш услубларини татбиқ қилиш ҳамда аҳолининг ҳуқуқий онги, ижтимоий фаоллиги ва фуқаролик масъулиятини ошириш, жиноят содир этилишига сабаб бўлиши мумкин бўлган ижтимоий муаммоларни ҳал этишга жамоатчилик вакиллари, нуронийлар ва маҳалла фаолларини кенг жалб этиш бўйича ёшлар етакчиларига кўрсатмалар берилиб, чорак якуни бўйича маҳалла ёшлар етакчилари томонидан амалга оширилган ишлар таҳлил қилиниб, танқидий кўриб чиқилди, ҳамда амалга оширилиши лозим бўлган режалар белгилаб олинди.