Dunning-Kruger effekti – kognitiv (idrokiy) buzilish bo‘lib, odamning bilim va tajribasi qanchalik kam bo‘lsa, u o‘z qobiliyatlarini shunchalik ortiqcha baholashga moyil bo‘ladi. Boshqacha aytganda, bilimsiz odamlar o‘zlarini aqlliroq deb o‘ylashadi, tajribali va bilimli odamlar esa o‘z qobiliyatlarini kam baholashadi.

Bu effekt 1999-yilda Devid Danning (David Dunning) va Jastin Kruger (Justin Kruger) ismli ikki ijtimoiy psixolog tomonidan kashf etilgan. Ular Kornell universitetida tadqiqot o‘tkazib, shunday xulosaga kelishdi.