Усмонийлар даврида қурилган қуш инлари

Усмонийлар даврида қушлар учун махсус инлар қуришган. Усмоний меъморчилигида қуш уйлари («қуш инлари» ёки «kuş sarayları» деб ҳам аталади) кенг тарқалган бўлиб, улар масжидлар, мадрасалар, саройлар ва кўприкларнинг ташқи деворларига ўрнатилган.

Бу инлар нафақат қушларга бошпана бўлиши, балки уларнинг соғлиғини сақлаш ва шаҳар муҳитида табиий мувозанатни қўллаб-қувватлаш учун ҳам хизмат қилган.

Ушбу инлар одатда ғишт, тош ёки ёғочдан ясалган бўлиб, улар мураккаб ва нафис безаклар билан безатилган. Усмонийлар қушларга меҳр-мурувват билан муносабатда бўлиб, уларни шаҳар ҳаётининг муҳим қисми деб ҳисоблашган. Айрим жойларда қушлар учун махсус озиқлантириш жойлари ҳам ташкил қилинган.

Бу анъана Усмонийлар жамиятининг ҳайвонларга бўлган ғамхўрлик маданиятини акс эттиради ва бугунги кунда ҳам айрим эски биноларда бундай қуш инларини кўриш мумкин.

📲 Саҳифаларимизга қўшилинг:
Telegram | Instagram | Youtube | Sport