🎄QMU jataqxanasındaǵı studentlerden xabar alınıp, olarǵa bayram sawǵaları tapsırıldı

🟡Jańa jıl bayramı múnásibeti menen Berdaq atındaǵı Qaraqalpaq mámleketlik universiteti jataqxanasınaǵı studentlerdiń hal-jaǵdayınan xabar alınıp, olarǵa bayram sawǵaları tapsırıldı. Onda universitettiń jaslar máseleleri hám ruwxıy–aǵartıwshılıq isleri boyınsha prorektorı S.Alawatdinov, jaslar awqamı jetekshisi D.Abadanovlar qatnastı.

🟡Dáslep olar menen sáwbetlesip, universtet rektoratı atınan bayram menen qutlıqladı. Bunnan soń, student-jaslarǵa bayram sawǵaların tapsırdı. Óz gezeginde universitettiń jataqxanasındaǵı student-jaslar universitet rektoratı tárepinen kórsetilip atırǵan bunday itibar hám ǵamxorlıqtan sheksiz quwanıshta ekenligin aytıp, óz minnetdarshılıqların bildirdi.

Bizdi sociallıq tarmaqlarda baqlap barıń:

✅Telegram | 🌐Instagram | 📹YouTube | ✅Facebook