Asliddinʼs Blog

Ba’zan atrofimda bo’layotgan ishlarni ko’rib, o’zimning kichik “xatolarim” haqida o’ylab qolaman va o’zimdan nafratlanib ketaman💔

Muhimi nima qilsak ham Alloh uchun qilishimiz kerak ekan. Odamlar nima deydi, deb emas!

Xullas, asarni o’qib ko’rishingizni tavsiya qilaman. Ming marta eshitganda ko’ra bir marta o’qib ko’rgan yaxshi😁

#by_me🖇️

📚Nodar Dumbadzening KUKARACHA asariga taqriz

​
Gruziyalik mashhur adib Nodar Dumbadze qalamiga mansub “Kukaracha” asari 1980 - yilda yozilgan. Asar qissa janriga mansub bo’lib, unda Orjonokidze rayonidagi voyaga yetmagan o’smirlar bilan ishlash vazifasi yuklatilgan Ichki ishlar komissarligining 22 yoshli Georgiy Tushurashvili (laqabi - Kukaracha) ismli inspektori haqida hikoya qilinadi. Qissa voqealari 12 yoshli bolakay Tamaz tilidan hikoya qilinadi. Asarda Tamaz singari Kostya, Dudu, Kuchiko, Iracha ismli bolakaykarning beg'ubor sho'xliklari, o'yinlari, bilib bilmay qilgan kichik jinoyatlari va ularga doimo yordamga keladigan, bolalarning sevimli qahramoniga aylangan Kukaracha taqdiri mahorat bilan tasvirlanadi. Kukaracha bolalarni yaxshi ko'radi. Shu sabab doimo ularni kuzatib yuradi, qiyin vaziyatlarda yordam beradi, ayblarini yashiradi. Hattoki, bir marta suzishni bilmasada, cho'kayotgan bolani qutqarishga oshiqadi.

Kukaracha sevib qoladi... U Inga ismli dorixonada ishlaydigan juda chiroyli qizni sevib qoladi. Lekin Ingani Murtalo laqabli butun Ittifoq bo'yicha qidiruvda bo'lgan ashaddiy jinoyatchi ham yaxshi ko'radi. Murtalo Inganing yoniga hech kimni yaqinlashtirmaydi, unga har kuni bir savat atirgul va 1000 so’mdan pul jo’natadi. Inga uni sevmaydi, lekin juda qo'rqadi. Bir vaqtlar Inganing iltimosiga ko'ra jinoyatchini qochirib yuborgan Kukaracha endi uning o'qidan nobud bo'ladi... Keyinroq sud zalidagi tergov jarayonida Inga cho’ntagidan to’pponchani chiqaradi va Murtaloga qarata ketma-ket 7 marta o’q uzadi (lekin tekkiza olmaydi). Butun rayon ahli uchun sevimli insonning o'limi hammani, ayniqsa, Tamazni larzaga keltiradi. Kukaracha juda oliyjanob, mard va mehribon inson bo'lganidan yosh-u qari birdek uni sevardi. Yillar o’tib, Marta xola Inga va Kukarachini eslab yig’laydi. Chunki o’sha kuni frontdan Inganing vafot etgani to’g’risida xabar keladi!..

Ushbu asarda bir bolakayning beg'ubor xotiralari, bolalik hayollari bilan birgalikda yuragida chuqur iz qoldirgan insonning fojiasi aks etgan.
Kukarachaning o'lganiga, shunday yigitning bunchalik oson o'lishi mumkinligiga hayron qolasiz. Xuddi, u o'lmagandek, hozir turib ketadigandek tuyuladi. Afsuski, u nobud bo'ladi...
Nodar Dumbadze asarlarida doim bosh qahramonlar taqdirning eng og'ir zarbalariga duchor bo'lishadi. “Abadiyat qonuni” da ham, “Hellados” da ham, “Kukaracha”da ham. Negadir, adib eng katta dardlarni bosh qahramonlari yelkasiga yuklaydi, shuning uchun ham, asarlarida chuqur dramatizm ustun. Lekin shunga qaramay, hayotda ham asardagi qahramonlar singari insonlar borligi, ular bizning atrofimizda ekani taskin beradi.

Asardan iqtiboslar:

🔗Aslida biz, Yer yuzidagi barcha insonlar bir tilda gaplashamiz, lekin bir birimizni tushunmaymiz, chunki bir birimizga quloq solmaymiz!

🔗Insonga hadya etilgan xazinalar ichida eng qimmatlisi - seva olish layoqati. Dunyodan muhabbatsiz o'tgan kishiga achinaman.

🔗Qalb - insonning bamisoli ertaklardagi devday shishaga qamab qo'yilgan orzu o'ylari. Bu o'y fikrlar paydo bo'lgan kundan boshlab ozodlikka talpinadi.

"Prust anketasi" deb nom olgan buyuk Fransuz yozuvchisi Marsel Prust xati.

1. Sizni eng ko'p nima xafa qiladi?
2. Qayerda yashashni istar edingiz?
3. Hayotingizdagi eng baxtli lahzani ayta olasizmi?
4. Qanday xatolarni ikkilanmay kechirasiz?
5. Siz yaxshi ko'rgan ayol personaj?
6. Siz yaxshi ko'rgan erkak personaj?
7. Tarixdagi siz yaxshi ko'rgan qahramonlarni ayta olasizmi?
8. Real hayotda siz hurmat qilgan ayol?
9. Siz ijodini sevgan rassom?
10. Siz ijodini sevgan musiqachi va bastakor kim?
11. Bir erkak sizningcha qanday bo'lishi kerak?
12. Bir ayol sizningcha qanday bo'lishi kerak?
13. Siz eng sevgan xislat?
14. Qaysi ishni bajarayotganingizda o'zingizni baxtli his qilasiz?
15. Ayni damda kimning o'rnida bo'lib qolishni istar edingiz?
16. Do'stalaringizda qanday xislat va fazilat bo'lishini istar edingiz?
17. Eng katta nuqsoningizni ayta olasizmi?
18. Yaxshi ko'rgan rangingizni ayta olasizmi?
19. Siz sevgan gul turi?
20. Siz sevgan qush turi?
21. Qaysi yozuvchining ijodini yaxshi ko'rib o'qiysiz?
22. Qaysi shoirni ijodini yaxshi ko'rib o'qiysiz?
23. O'zingizda bo'lib qolishni istagan g'ayritabiiy istedod turi bormi?
24. Qanday o'lishni istagan bo'lardingiz?
25. Hayotdagi shioringiz?
26. Ayni hozir ruhiy holatingiz qanday?
27. Qaysi rejissyorni ijodini yaxshi ko'rasiz?

P.s: Ushbu savollarni mashhur adib Marsel Prust tuzib chiqqan. Bu savollarni har kim o'ziga, hayotida bir bora berib ko'rishi, o'zini qayta tahlil qilib ko'rishi foydadan holi bo'lmaydi.