Ibn Xaldunning fikricha, har qanday jamiyatning rivojlanishi va mustahkamligi asabiyya (ijtimoiy birlik)ga bog‘liq. Asabiyya kuchli bo‘lgan jamiyatlar rivojlanadi, kuchsiz bo‘lganlari esa tanazzulga yuz tutadi.

U har qanday sivilizatsiya beshta bosqichdan o‘tishini ta’kidlaydi: paydo bo‘lish, o‘sish, barqarorlik, tanazzul va yo‘qolish.

Ibn Xaldun jamiyatning iqtisodiy faoliyatiga alohida e’tibor qaratib, mehnatning qiymat yaratishdagi* rolini ta’kidlaydi. U iqtisodiy faoliyat va davlat boshqaruvi o‘rtasidagi bog‘liqlikni ham tahlil qilgan.

U tarixiy hodisalarning yuz berishida ilmiy yondashuvning zarurligini ta’kidlab, tarixiy jarayonlarni tushunish uchun sabab-oqibat aloqalarini o‘rganish kerakligini aytgan.

Ibn Xaldun davlatning paydo bo‘lishi, rivojlanishi va tanazzuli haqida ilmiy nazariyalar taqdim etgan. U davlatni ijtimoiy birlikning mustahkamlanishi uchun zarur vosita sifatida ko‘radi.