O‘zbekiston Respublikasi Prezidentining “O‘zbekiston Respublikasi milliy investitsiya jamg‘armasini tashkil etish to‘g‘risida”gi PQ-303 sonli qarorida mamlakatimiz investitsion jozibadorligini oshirish, to‘g‘ridan-to‘g‘ri xorijiy investitsiyalarni jalb qilish hajmini ko‘paytirish, zamonaviy korporativ boshqaruv mexanizmlarini joriy etgan holda davlat ulushi ustun bo‘lgan yirik kompaniyalar va tijorat banklarining transformatsiya jarayonlarini jadallashtirish belgilangan.

Bu borada, xususan, “O‘zsuvta’minot” AJda korporativ va moliyaviy menedjmentni yanada rivojlantirish orqali sohaning investitsion jozibadorligini oshirish maqsadida aksiyadorlik jamiyatidagi davlat ulushining 40% foizini investitsiya jamg‘armasiga o‘tkazish bo‘yicha qator xalqaro konsultantlar bilan ish olib borilmoqda. Jumladan, Xalqaro auditorlik tashkiloti bilan aksiyadorlik jamiyatini baholash, “Franklin Templeton” kompaniyasi bilan investitsiya jamg‘armasini shakllantirish ishlari olib borilmoqda.

Bu boradagi ishlar bilan tanishish maqsadida bugun O‘zbekiston Respublikasi Prezidentining maxsus vakili A.A. Urunov va “O‘zAssets” AJ vakillari “O‘zsuvta’minot” AJda boʻlishdi. Boshqaruv raisi oʻrinbosari X. Raxmatullayev  hamda mas’ullar ishtirokida boʻlgan uchrashuvda sohada amalga oshirilayotgan transformatsiya jarayonlari va investitsion loyihalarni amalga oshirish holati bo‘yicha hisobot berildi. Sohada korporativ boshqaruv tizimi, tarif siyosati, iste’molchilar bilan ishlash masalalarida zamonaviy yondoshuvlarni kengroq tatbiq etish va bu borada xorijiy konsultantlar bilan ma’lumot almashish choralari bo‘yicha fikr almashildi.

|🗝Cabinet        |🌐Website
|🤖Bot                 |😄Telegram
|💬Facebook     |🌐Instagram
|📹YouTube       |🕊 Twitter
|💬Chat               |✅ TikTok