✳️✳️✳️✳️✳️#Sarhisob_2024

Jizzax pedagogik mahorat markazida yil yakunlari va 2025 yil istiqbollariga bag‘ishlangan ilmiy-metodik kengash bo‘lib o‘tdi.

Sarhisob va rejalar muhokama etilgan kengash ishini hududiy markaz direktori I.Ahmedov ochib berdi. Ilk masala malaka oshirish kurslari tayanch o‘quv rejalari tarkibiga kiruvchi o‘quv modullari bo‘yicha o‘quv-uslubiy ta’minotni takomillashtirish yuzasidan olib borilgan ishlar haqida bo‘ldi. Uzluksiz kasbiy ta’limni tashkil etish bo‘limi va kafedra mudirlarining hisobotlari tinglandi.

Markazda 2024 yil ish rejasining bajarilishi va kelgusi yil uchun ish reja loyihasining muhokamasi, ayniqsa, qizg‘in kechdi. Bu mavzuda har bir hisobdor puxta tayyorgarlik ko‘rgan holda aniq va amaliy takliflarini bildirdi.

Kengash ishida, shuningdek, ijro intizomini mustahkamlash, murojaatlar bilan ishlash holati, “Maktabgacha, boshlang‘ich va maxsus ta’lim metodikasi” kafedrasi, “Metodik xizmat ko‘rsatish” bo‘limining hisobotlari tinglandi.

Har bir ma’ruza qizg‘in muhokama etildi. Tanqidiy-tahliliy ruhda o‘tgan ilmiy-metodik kengashda konstruktiv taklif va tavsiyalar berildi. 2025 yilda tashkiliy, jamoaviy jihatdan rivojlanish, ta’lim sifatini yuksaltirishda ushbu ilmiy-ma’rifiy yig‘in muhim ahamiyatga ega ekanligi ta’kidlandi.

▶️Youtubeda ko'rish

Jizzax viloyati PMM matbuot xizmati

🌐Telegram 📱 WEB   🌐 Facebook  ▶️Youtube