Ҳурматли устозлар!

Ўзбекистон Республикаси Президентининг 2024-йил 21-июндаги ПҚ-231-сон қарорига асосан мактабгача ва мактаб таълими ташкилотлари ходимларини узлуксиз касбий ривожлантиришнинг янги тизими жорий этилмоқда.

Унга кўра, эндиликда туман (шаҳар)лардан танлаб олинган таянч мактабларда «Касбий ривожланиш куни» ва барча мактабларда «Касбий ривожланиш соати» тадбирлари ташкил этилади.

Педагогларни узлуксиз касбий ривожлантириш тадбирларининг биринчи босқичи аниқ ва табиий фанлар йўналишида жорий йилнинг октябрь ойидан бошлаб йўлга қўйилиши режалаштирилган.
Узлуксиз касбий ривожлантириш тадбирлари ва соҳага оид янгиликлардан тизимдаги раҳбар ва педагог ходимларни тезкор хабардор қилиб бориш мақсадида “Узлуксиз касбий ривожланиш” телеграмм канали ташкил этилди.

Каналда педагогларни узлуксиз касбий ривожлантириш тадбирлари ҳамда таълим тизимига оид меъёрий-ҳуқуқий ҳужжатлар, ўқув-методик материаллар ва уларнинг мазмунига доир долзарб маълумотлар тезкор тарзда ёритиб борилади.

Каналимизни кузатиб боринг ва ҳамкасбларингизга тавсия этинг!

Uzluksiz kasbiy rivojlanish rasmiy kanali