O‘zbekiston Respublikasi Konstitutsiyasi bu – Xalq Konstitutsiyasi. Bu nafaqat huquqiy hujjat, balki xalqning orzu-umidlari, qadriyatlari va adolatga bo‘lgan ishonchining ifodasidir. Konstitutsiya bizning tajribamizni, azaliy qadriyatlarimizni va yurtimizning kelajagini mustahkamlovchi asos. U bizga nafaqat huquqlar, balki burchlarimizni ham eslatib, tinchlik va barqarorlikni saqlashda katta ahamiyatga ega.

Konstitutsiya — huquqiy davlat kafolati. Biz yoshlar huquqiy davlatning kafolati sifatida Konstitutsiyani qadrlaymiz va uning asosida erkin, adolatli va taraqqiyotga yo‘naltirilgan jamiyatni qurishga intilamiz. Konstitutsiyamiz bizning kelajagimiz uchun mustahkam poydevor bo‘lib, har bir yoshga o‘z orzu-istaklarini amalga oshirishda erkinlik va imkoniyatlar yaratadi.

Bejizga “Konstitutsiya — erkin va farovon hayot garovidir” shiori tanlanmagan. Chunki Konsitutsiya bizning huquqlarimizni himoya qiladi, shaxsiy erkinlik va jamiyatda teng imkoniyatlarga ega bo‘lishimizni kafolatlaydi. Konstitutsiyaning qadriyatlari asosida ayollar o‘z orzu-istaklarini amalga oshirish, ta’lim olish, mehnat qilish va jamiyatda faol ishtirok etish imkoniyatiga ega. Konstitutsiya biz ayollar uchun, tenglik, huquqiy himoya va farovonlikni ta’minlovchi kafolatimizdir.