Доход с канала от 1500 подписчиков

Подключите канал и начните зарабатывать с Яндексом

Курс по Telegram от TGStat Academy

Как сделать свой канал прибыльным с нуля?

Бесплатные уроки от TGStat Academy

С 1 по 10 января выкладываем мини-уроки в канале!

Статистика Избранное

Ustoz.uz | Rasmiy kanal

@ustozuz_official

Гео и язык канала: Узбекистан, Узбекский

Категория: Новости и СМИ

«USTOZ.UZ» – Yangicha yondashuv!
🔥 Ustozlar uchun muhim yangiliklar
📂 Kerakli barcha o’quv materiallar
✅ Albatta foydali maslahatlar
Ovoz berish: t.me/ustozuz_official?boost

Связанные каналы | Похожие каналы

Гео и язык канала

Узбекистан, Узбекский

Категория

Новости и СМИ

Статистика

Избранное

Фильтр публикаций

Скрывать удаленные

Скрывать репосты

Ustoz.uz | Rasmiy kanal

7 Jan, 16:22

⚡️Ustoz bo‘lib ishlayotgan xalqaro olimpiadalar g‘oliblariga har oy 150 foiz ustama to‘lanadi

Ta'lim muassasalarida o'qituvchi bo'lib faoliyat yuritayotgan nufuzli xalqaro olimpiadalar g'oliblari lavozim maoshiga har oy 150 foiz, asosiy olimpiadalar respublika bosqichi g'oliblari lavozim maoshiga har oy 100 foiz miqdorida ustama haqi to'lanadi.

Bunda:

➖ ustamalar nufuzli xalqaro olimpiadalar va asosiy olimpiadalar o'tkaziladigan fanlar bo'yicha aynan g'oliblikni qo'lga kiritgan fanidan dars berayotgan olimpiada g'olibiga beriladi;

➖ ta'lim muassasalarida o'qituvchi bo'lib faoliyat yuritayotgan nufuzli xalqaro olimpiadalar va asosiy olimpiadalar respublika bosqichi g'oliblari tomonidan g'oliblikni tasdiqlovchi hujjat yoki sertifikat taqdim qilinadi.

Asos: Vazirlar Mahkamasining 09.09.2021 yildagi 562-sonli qarori.

✅ @ustozuz

4.1k 0 12 11

Ustoz.uz | Rasmiy kanal

7 Jan, 15:32

⚡️Ta’lim telekanali tomonidan "YIL REKTORI 2024" ijtimoiy loyihasiga start berildi.

Azizlar, bugundan har yili o‘tkazib kelinayotgan "YIL REKTORI 2024" ijtimoiy tanlovi boshlandi. Siz o‘zingiz o‘qigan, o‘qiyotgan yoki yil davomida o‘zining samarali mehnatlari orqali jamoatchilik mehrini qozongan universitet rektoriga ovoz berish orqali yilning eng yaxshi OTM rektorini aniqlashga ko‘maklashishingiz mumkin.

Tanlovda Respublikaning barcha davlat va nodavlat universitetlari va milliy va xorijiy davlat universitetlar filiallari qatnashishi ko‘zda tutilgan. G‘oliblar keng jamoatchilikning ovoz berishi orqali aniqlanadi.

G‘olib OTM rektorlarning talabalariga birinchi o‘rinni olgan OTMning 5 ta, ikkinchi o‘rinni olgan OTMning 4 ta va uchinchi o‘rinni olgan OTMning 3 ta ehtiyojmand (nogironligi bor) talabasiga 1 mln so‘mlik vaucherlar topshiriladi.

Bu yilda "YIL REKTORI" nomiga munosib deb bilgan nomzodga ovoz berish orqali OTM muassasasini qo‘llab-quvvatlang.

👉 Rektorlar ro'yxati

OVOZ BERISH

4.4k 0 3 13

Ustoz.uz | Rasmiy kanal

7 Jan, 08:18

⚡️70% lik ustamada attestatsiya turi va amaldagi toifaning ahamiyati bo‘lmaydi

❓Savol:

Men hozirda 1-toifaga ega o‘qituvchiman. 2025-yilda bo‘ladigan bahorgi attestatsiyaga navbatdan tashqari qatnashmoqchiman. Savolim shuki, 86 ball va undan yuqori ball to‘plaganlarga to‘lanadigan ustama faqatgina navbatdagi majburiy ishtirok etganlarga to‘lanadimi yoki navbatdan tashqari ishtirok etganlarga ham to‘lanadimi?

✅ Javob:

70% ustama to‘lanishida attestatsiya turi va amaldagi toifaning ahamiyati yo‘q. Toifa testlarida ishtirok etish hamda 86 va undan yuqori ball to‘plash kerak bo‘ladi.

❗️Eslatib o‘tamiz, 70 foizlik ustama uchun sinovlarning qanday tartibda o‘tkazilishi hali aniq belgilanmagan.

✅ @ustozuz

5.7k 0 22 24

Ustoz.uz | Rasmiy kanal

6 Jan, 11:26

❗️Ustozlarni videoga olib ijtimoiy tarmoqlarga tarqatganlik uchun javobgarlik bor

Ma’muriy javobgarlik to‘g‘risidagi kodeks 46-2-moddasida shaxsga doir ma’lumotlarni qonunga xilof ravishda yig‘ish, tizimlashtirish, saqlash, o‘zgartirish, to‘ldirish, ulardan foydalanish, ularni berish, tarqatish, uzatish, egasizlantirish va yo‘q qilish,

👉 fuqarolarga bazaviy hisoblash miqdorining 3 baravaridan 5 baravarigacha;
👉 mansabdor shaxslarga esa — 5 baravaridan 10 baravarigacha miqdorda jarima solishga sabab bo'lishi belgilangan

Agar ushbu harakatlar ma’muriy javobgarlik qo‘llanilgandan so‘ng 1 yil ichida takrorlansa, unda jinoiy javobgarlik chorasi qo‘llaniladi (JK 141-2-moddasi).

☝️Biroq bu hammasi emas. Agar o‘qituvchi fuqarolik sudiga o‘ziga yetkazilgan ma’naviy zararni undirishni so‘rab da’vo qilsa bormi?

Fuqarolik kodeksi 1021-moddasi ikkinchi qismida zarar or-nomus, qadr-qimmat va ishchanlik obro‘-e’tiborini haqoratlovchi ma’lumotlarni tarqatish tufayli yetkazilgan bo‘lsa ma’naviy zarar uni yetkazuvchining aybidan qat’i nazar, qoplanishi belgilangan.

Ushbu qoida, aynan o‘qituvchinining videosini ijtimoiy tarmoqqa joylab, uning qard qimmatini, ishchanlik obro‘sini to‘kayotgan shaxslarga zararni qoplash majburiyatini yuklaydi.

Bunda ma’naviy zararni qoplash miqdori jabrlanuvchiga yetkazilgan jismoniy va ma’naviy azoblarning xususiyatiga, shuningdek ayb tovon to‘lashga asos bo‘lgan hollarda zarar yetkazuvchining aybi darajasiga qarab sud tomonidan aniqlanadi.

Манба

9k 0 94 55

Ustoz.uz | Rasmiy kanal

6 Jan, 07:07

⚡️2025-yil 1-yanvardan boshlab kasbiy ta’lim tashkilotlarida ishlab chiqarish amaliyotining yangi tartibi joriy etiladi

Bu haqda Vazirlar Mahkamasining “Kasbiy ta’lim tashkilotlari o‘quvchilarining ishlab chiqarish amaliyotini tashkil etish tizimini yanada takomillashtirish chora-tadbirlari to‘g‘risida”gi qarori (28.12.2024-y.) qabul qilindi.

Hujjatga muvofiq 2025-yil 1-yanvardan:
➡️o‘quvchilar uchun ishlab chiqarish amaliyoti va diplom oldi amaliyoti o‘rniga yagona ishlab chiqarish amaliyoti tizimi joriy etiladi;
➡️ishlab chiqarish amaliyotini o‘taydigan o‘quvchilarga tegishli tashkilotlardagi malakali mutaxassislar “ustoz” sifatida biriktiriladi;
➡️o‘quvchilarning amaliyot jarayonida egallangan amaliy ko‘nikmalarini ish beruvchilar bilan birgalikda baholash tizimi yo‘lga qo‘yiladi.

▪️Shuningdek, qaror bilan “Kasbiy ta’lim tashkilotlari o‘quvchilarining ishlab chiqarish amaliyotini tashkil etish tartibi to‘g‘risidagi nizom” ham tasdiqlandi.

▪️Nizom:
➖amaliyot dasturlarini tegishli tarmoq va soha korxonalari (tashkilotlari) bilan kelishilgan holda ishlab chiqish hamda tasdiqlash;
➖amaliyotni tegishli tarmoq va soha korxonalarida (tashkilotlarida) tashkil etish;
➖kasbiy ta’lim tashkilotlari va ish beruvchilarning amaliyotlarni tashkil etish bo‘yicha vazifalarini belgilaydi.

Batafsil: https://gov.uz/oz/edu/news/view/31908

✅ @ustozuz

9k 0 26 27

Ustoz.uz | Rasmiy kanal

4 Jan, 17:38

Ustozlar haqida haqiqatlar

— Dunyoda bitta kasb bor: oʻqituvchilik. Qolgan kasblar uning hosilasidir.

— Millatning ertasi maktablardan boshlanadi.

— Oʻqituvchi bir umr bola boʻlib qoladi.

— Oʻqituvchi bir vaqtning oʻzida ona, ota, bobo, buvi, aka, opa, doʻst boʻla oladi.

— Oʻqituvchida otaning qattiqqoʻlligi, onaning mehri boʻlishi kerak.

— Hech kimning 30 nafar farzandi yoʻq. Oʻqituvchida esa bor.

— Hamma oʻz bolasini sevadi. Oʻzganing bolasini sevish, unga taʼlim-tarbiya berish esa har kimning ham qoʻlidan kelmaydi.
Buning uchun insonda katta yurak kerak boʻlishi kerak.

— Bolalarni seva olmagan kishidan oʻqituvchi chiqmaydi.

— Oʻqituvchilik-bu hali ustozlik degani emas.

— Oʻqituvchilik-bu kasb.
Ustozlik esa baxtdir.

— Hayotingiz davomida hech boʻlmasa bitta shogirdingiz sizni ustoz sifatida tan olmasa, umringiz shamollarga sovrilibdi.

— Oʻquvchilarim meni ustoz sifatida emas, avvalo, inson sifatida yaxshi koʻrishlarini istayman.

— «Darsimda pashsha uchsa bilinadi»-deydigan oʻqituvchilar rost gapiradi. Ularni faqat pashsha qiziqtiradi.

— Amir Temur dunyoni tigʻ bilan, Navoiy qalam bilan olgan boʻlsa, ustozlar dunyoni boʻr bilan oladi.

— Bu hayotda oddiy sinf rahbar boʻlmaydi. Sinf rahbar boʻldingmi, chida. Mushtni mushtga tugib chida, tishni tishga qoʻyib chida. Sinf rahbarlikni chidaganga chiqargan.

— Bugun sinf rahbarlik olib, uning masʼuliyatiga chidolmay, ertaga tashlab yuboradigan oʻqituvchining oʻzini «tashlab» yuborish kerak.

-Ustoz yaqinmi, ota?
-Ota. Agar u ustoz boʻlsa.

— Haqiqiy oʻqituvchining qahrida ham bolaga nisbatan mehr ufurib turishi kerak.

— Eng yomon oʻquvchimni boshqa sinfdagi 10 nafar eng yaxshi oʻquvchiga alishmayman.

— Oʻquvchingiz hayotiy masalada sizdan maslahat, yordam soʻrayapdimi, demak, ustoz darajasiga yetibsiz, muborak boʻlsin.

— Hech qachon oʻquvchilaringizga odam boʻlmaysan, demang. Uningku tanlash imkoniyati bor. Sizda esa hatto shu ham yoʻq.

— Bugungi jinoyat kechagi tarbiyaning mahsulidir.

— Biz ustozlar oʻquvchilarimizga maktabda emas, hayotda aʼlochi boʻlishlari uchun koʻmak berishimiz kerak.

— Ustozning hattoki qadam tashlashi ham tarbiya boʻlishi kerak.

— Shogirdlariga faqat taʼlim bergan oʻqituvchi mutaxassis tayyorlaydi. Shogirdlariga taʼlim-tarbiya bergan oʻqituvchi insonni yetishtiradi.

— Oʻquvchingiz sizni ota-onasining nooʻrin aybidan himoya qilayapdimi, demak siz uning qalbidan joy olibsiz.

— Ustozlar farzandlarining yutuqlaridan koʻra, shogirdlarining yutuqlariga koʻproq quvonadi.

— Yuksaklarga chiqmoqchi boʻlsangiz, pastga tushib oʻquvchilar bilan birga boʻling. Kun kelib ularning oʻzi sizni yuksaklarga olib chiqadi.

© Isroil Tillaboyev

Oʻqituvchi va ustozlarga yuborib qoʻying!

✅ @ustozuz

22.7k 0 192 112

Ustoz.uz | Rasmiy kanal

4 Jan, 14:55

VAKANSIYA 330 000+.xlsx

⚡️Respublika bo'ylab 300.000+ bo‘sh ish o‘rinlari ro'yxati e'lon qilindi

Yaqinlarga yuborib qo'ying!
Ayniqsa, yaxshi ish izlab yurganlariga!

✅ @ustozuz

19.6k 0 167 33

Ustoz.uz | Rasmiy kanal

3 Jan, 15:50

00:50

Видео недоступно для предпросмотра

Смотреть в Telegram

Hozirgi taʼlim tizimi haqida

✅ @ustozuz

25.9k 0 103 91

Ustoz.uz | Rasmiy kanal

3 Jan, 12:23

00:36

Видео недоступно для предпросмотра

Смотреть в Telegram

📹 12 yoshli Buxorolik maktab o'quvchisi homilador bo‘lib qolgani aniqlandi

Qiz hozirda 4 oylik homila bilan Buxoro shahar perinatal markaziga yotqizilgan. Bolalar ombudsmani holat bo‘yicha jinoyat ishi qo‘zg‘atilib, tergov olib borilayotganini Kun.uz’ga ma’lum qildi.

✅ @ustozuz

19.1k 0 60 96

Ustoz.uz | Rasmiy kanal

3 Jan, 09:17

🇩🇪 Germaniya oliygohlari kontraktsiz o‘qitadi

Balki bunga ishonish qiyindir, lekin Germaniya davlat OTMlari talabalarni butunlay bepul o‘qitadi. Hatto xorijlik talabalarni ham.

Agar Germaniyadagi davlat universitetlarida bakalavr darajasi uchun o‘qishni xohlasangiz, nemis tili zarur bo‘ladi. Sababi ko‘plab davlat universitetlarida bakalavriat ta’limi nemis tilida olib boriladi.

Xususiy universitetlarda ingliz tilidagi dasturlarni istalgancha topish mumkin, biroq ular pulli. Bakalavriatdan keyingi darajalarda esa ingliz tilining o‘zi bilan ham o‘qish mumkin. Bu bosqichdagi talabalar uchun ingliz tilidagi xalqaro dasturlar yetarlicha. Til bilish darajasi Germaniyada o‘qish uchun talab qilinadigan asosiy talablardan biri. Talabgor akademik ma’lumotlarni yozma va og‘zaki darajada tushuna olishi tekshiriladi. Batafsil

O‘qishni tugatib Germaniyada qolish mumkinmi?

Mamlakatda o‘qishini tugatgan xorijlik talabalarga qolishga ruxsat beriladi. Har qanday chet ellik talaba o‘qishi tugagach mamlakatda 18 oygacha qolishi mumkin. Bu muddatda "ish izlovchi vizasi" olinadi va shu 18 oyda bitiruvchi o‘z malakasiga to‘g‘ri keladigan istalgan ishga joylashishi mumkin.

17.2k 0 73 59

Ustoz.uz | Rasmiy kanal

1 Jan, 20:26

#eslatma

⚡️Ona tili va adabiyot hamda tarix fani o‘qituvchilariga har oy 50 foiz miqdorida qo‘shimcha ustama to‘lanadi!

✅ 2025-yil 1-yanvardan boshlab Maktabgacha va maktab ta’limi vazirligi tizimidagi umumiy o‘rta ta’lim muassasalarida ona tili va adabiyot hamda tarix fanlari bo‘yicha Oliy ta’lim, fan va innovatsiyalar vazirligi huzuridagi Bilim va malakalarni baholash agentligining milliy baholash tizimida olingan tegishli darajadagi sertifikatga ega bo‘lgan va ushbu fanlardan dars beruvchi pedagog kadrlarga ularning tarif stavkasiga nisbatan 50 foiz miqdorida har oylik qo‘shimcha ustama to‘lanadi.

✅ @ustozuz

21k 0 74 75

Ustoz.uz | Rasmiy kanal

31 Dec 2024, 22:17

1991-yildan 2025-yilgacha yil nomlari!

1991-yil — Alisher Navoiy yili.
1992-yil — Hamshiralar yili.
1993-yil — Ahmad Yassaviy yili.
1994-yil — Mirzo Ulug‘bek yili.
1995-yil — Abu Ali ibn Sino yili.
1996-yil — Amir Temur yili.
1997-yil — Inson manfaatlari yili.
1998-yil — Oila yili.
1999-yil — Ayollar yili.
2000-yil — Sog‘lom avlod yili
2001-yil — Ona va bola yili.
2002-yil — Qariyalarni qadrlash yili.
2003-yil — Obod mahalla yili.
2004-yil — Mehr-muruvvat yili.
2005-yil — Sihat-salomatlik yili.
2006-yil —Homiylar va shifokorlar yili.
2007-yil —Ijtimoiy himoya yili.
2008-yil — Yoshlar yili.
2009-yil — Qishloq taraqqiyoti va farovonligi yili.
2010-yil — Barkamol avlod yili.
2011-yil — Kichik biznes va xususiy tadbirkorlik yili.
2012-yil — Mustahkam oila yili.
2013-yil — Obod turmush yili.
2014-yil — Sog‘lom bola yili.
2015-yil — Keksalarni eʼzozlash yili.
2016-yil — Sog‘lom ona va bola yili.
2017-yil— Xalq bilan muloqot va inson manfaatlari yili.
2018-yil — Faol tadbirkorlik, innovatsion g‘oyalar va texnologiyalarni qo‘llab-quvvatlash yili.
2019-yil — Faol investitsiyalar va ijtimoiy rivojlanish yili.
2020-yil — Ilm-ma'rifat va raqamli iqtisodiyotni rivojlantirish yili.
2021-yil — Yoshlarni qo‘llab-quvvatlash va aholi salomatligini mustahkamlash yili.
2022-yil — Inson qadrini ulug‘lash va faol mahalla yili.
2023-yil — Insonga eʼtibor va sifatli taʼlim yili.
2024-yil — “Yoshlar va biznesni qo’llab-quvvatlash yili”

2025-yil — Atrof-muhitni asrash va "yashil iqtisodiyot" yili

✅ @ustozuz

30k 1 645 140

Ustoz.uz | Rasmiy kanal

31 Dec 2024, 22:04

Hurmatli Ustozlar!

🎄2025-yilda shunday baxtli bo‘lingki, baxtdan qochib omadga qoqiling, quvonchga suyanib shodlik so‘qmoqlaridan yuring. Charchaganda mehr chashmasidan, omad ariqlaridan suv ichib, hayot yo‘llarida xushnud davom eting. 2025-yilda qadringiz nondek aziz, qalbingiz qordek nafis bo‘lsin. Hayotda shunday yashangki, hamma sizga havas bilan boqsin! Yangi yilda xonadoningizda omad, baxt, oilaviy quvonch totuvlik tark etmasligini tilaymiz!

Hamisha Alloh nazarida bo‘ling! Dasturxoningizga fayzu baraka bersin! Yurtimiz tinch, osmonimiz musaffo bo‘lsin! Umringiz uzun, qalbingiz hamisha butun, chehrangiz porloq bo‘lsin!

YANGI YILINGIZ MUBORAK BO‘LSIN.

Hurmat ila «USTOZ.UZ» kanali!

✅ @ustozuz

18.5k 0 98 22

Ustoz.uz | Rasmiy kanal

31 Dec 2024, 11:50

00:58

Видео недоступно для предпросмотра

Смотреть в Telegram

Ustoz - kelajagimiz bunyodkoridir!

Uzoq yillar davomida buyuk kelajak haqida ko‘p gapirdik: "Yoshlar kelajagimiz bunyodkoridir". Aslida xato shior bu.

✅ Kelajagimizning haqiqiy bunyodkori - bugungi o‘qituvchilardir. O‘zbekistonning kelajagi - o‘qituvchilarning asaridir. Bugun yozilayotgan asaridir.

Bugungi o‘quvchilarga zamonaviy talablarga javob bera oladigan o‘qituvchilarsiz, laboratoriyalarsiz, kitoblarsiz xalqaro darajadagi standartlarga mos ta’lim bermasdan, ertaga buyuk kelajakni kutish - eng katta xatodir.

Ustozlarga yuboramiz!

✅@ustozuz

83.5k 1 216 28

Ustoz.uz | Rasmiy kanal

31 Dec 2024, 06:47

⚡️Ustoz hurmati mamlakatlarda qanday?

🇮🇹 Italiya:
Uchta kasb egalari tirband yo‘lda qolmasligi kerak:
Tez yordam, o‘t o‘chiruvchilar hamda o‘qituvchilar.

🇫🇷 Fransiya:
Boylar o‘z yashash joylari bilan maqtanish uchun o‘qituvchilar bilan bir hududda yashashga intiladilar.

🇸🇪 Shvesiya:
Birinchi farzandim shifokor, ammo ikkinchi farzandim undan yaxshiroq kasb egallashni istaydi, ya’ni o‘qituvchi bo‘lmoqchi.

🇩🇪 Germaniya:
Merkel norozilik bildirayotgan shifokorlarga murojaat qildi;
Sizning maoshingiz sizni o‘qitgan o‘qituvchilarning ish haqidan yuqori bo‘lishini kutmasligingiz kerak.

🇬🇧 Angliya:
Bu bola daho, u o‘qituvchidek fikrlaydi...

🇺🇿 O‘zimizda:
Nima uchun o‘qituvchilar yozda ta’til kunlarida maktabga bormay turib, maosh olishlari kerak, qani hammasi mahallama-mahalla yurib Ayollar daftarini shakllantirsin...

Ustozlarga yuboramiz!

✅@ustozuz

14.7k 0 80 64

Ustoz.uz | Rasmiy kanal

30 Dec 2024, 15:23

Ta’til vaqtida ustozlar o‘quvchilari uchun javobgar emas!

Barchamizga ma’lumki, ilgari o‘quvchilarning xar qanday xatti-harakatlari uchun, xoh u ta’tilda bo‘lsin xoh darsdan tashqarida bo‘lsin, faqat sinf rahbar, direktor yoki uning o‘rinbosarlari javobgar bo‘lardi. Misol uchun o‘quvchi ta’til vaqtida qo‘shnisi bilan mushtlashib, janjallashib qolsa ham ichki ishlar organi xodimlari o‘sha o‘quvchining sinf rahbarini chaqirtirib bezovta qilardi.

Ko‘p hollarda maktab rahbariyati bilan birga sinf rahbarlari lavozim vazifalarini bajarmagan deya baholanib, ularga nisbatan hayfsan intizomiy jazo chorasi qo‘llanilar edi. O‘quvchining ota-onasiga esa deyarli hech qanday ta’sirchan choralar ko‘rilmasdi. Hozir esa bunday holatlarning oldi olingan.

Xalq ta’limi vazirligining 2021-yil 22-fevral kungi 41-sonli buyrug‘i bilan tasdiqlangan, sinf rahbari to‘g‘risidagi nizomga muvofiq ta’lim muassasasidan tashqarida darsdan keyingi va ta’til paytidagi o‘quvchilarning xatti-harakatlari uchun amaldagi qonunchilik hujjatlariga muvofiq ota-onalar javob beradi.

❌ Sinf rahbarlari esa javobgarlikka tortilmaydi. Demak bunday holallarda nafaqat sinf rahbariga balki direktor o‘rinbosarlariga nisbatan ham intizomiy jazo choralari qo‘llanilmaydi.

Shuni ham unutmaslik kerakki, O‘zbekiston Respublikasi Oila kodeksining 73-moddasida ota-onalar farzandlarini tarbiyalashga masʼul ekanligi bayon etilgan. Ular farzandlarining salomatligi, aqliy, jismoniy, ma’naviy va axloqiy rivojlanishi uchun g‘amxo‘rlik qilishlari shart.

15.8k 0 23 28

Ustoz.uz | Rasmiy kanal

30 Dec 2024, 12:15

❌ 2025-yilda ishlanmaydigan kunlar:

👉 1-yanvar – Yangi yil;
👉 8-mart – Xotin-qizlar kuni;
👉 21-mart – Navro‘z bayrami;
👉 31-mart – Ro‘za hayit (Iyd al-Fitr);
👉 9-may – Xotira va qadrlash kuni;
👉 7-iyun – Qurbon hayit (Iyd al-Adha);
👉 1-sentabr – Mustaqillik kuni;
👉 1-oktabr – O‘qituvchi va murabbiylar kuni;
👉 8-dekabr – Konstitutsiya kuni.

Ro‘za hayit (Iyd al-Fitr) va Qurbon hayit (Iyd al-Adha) bayramlarining ko‘rsatilgan kunlari bir kunga o‘zgarishi mumkin.

© Bandlik vazirligi

✅@ustozuz

13.9k 0 52 24

Ustoz.uz | Rasmiy kanal

30 Dec 2024, 11:30

00:40

Видео недоступно для предпросмотра

Смотреть в Telegram

⚡️Rahbar xodimlarning maoshlari ikki barobarga oshirilishi kutilmoqda

Prezidentga maktabgacha va maktab ta’limi tizimida 2025-yilda amalga oshiriladigan ustuvor vazifalarda, ta’lim muassasalari rahbar xodimlarining oylik maoshlarini sezilarli darajada oshirish borasida ham bir qancha takliflar ilgari surildi.

2025-2026-o’quv yilidan boshlab maktab va maktabgacha ta’lim muassasalari direktorlari, maktab direktori o’rinbosarlarining ish haqi miqdorlari oshiriladi.

Shuningdek, 2026-yildan boshlab maktab direktorlari va ularning o’rinbosarlariga faoliyat samaradorligi natijalariga ko’ra qo‘shimcha ustamalar joriy etilishi rejalashtirilmoqda.

Bundan tashqari, maktabgacha va maktab ta’limi tizimidagi boshqaruv xodimlarining lavozim maoshlariga uzoq muddat ishlaganligi uchun har oylik ustama hamda boshqa qo‘shimcha to‘lovlar to’lanishi yo’lga qo’yiladi.

Maktabgacha va maktab ta’limi vazirining ta’kidlashicha, maktab direktorlarining oylik maoshi 20 foizgacha oshiriladi. Agar ular “Direktorlar maktabidan” o‘tsa, oylik maoshlari yana 50 foizga oshirilishi hisobiga ularning maoshini ikki barobar oshirishga erishiladi.

10.8k 0 18 21

Ustoz.uz | Rasmiy kanal

30 Dec 2024, 09:53

⚡️2025-yil 1-yanvardan ona tili va tarix o‘qituvchilariga 50% ustama berish tartibi joriy etiladi

🇺🇿 O‘zbekiston Respublikasi Prezidentining 2024-yil 21-fevraldagi PF-37-son Farmonida 2025-yil 1-yanvardan boshlab umumiy o‘rta ta’lim muassasalarida ona tili va adabiyot hamda tarix fanlari bo‘yicha Bilim va malakalarni baholash agentligining milliy baholash tizimida olingan tegishli darajadagi sertifikatga ega bo‘lgan va ushbu fanlardan dars beruvchi pedagog kadrlarga ularning tarif stavkasiga nisbatan 50 foiz miqdorida har oylik qoshimcha ustama to’lanishi bepgilangan.

Mazkur vazifaning to‘liq, sifatli so‘zsiz bajarilishi uchun mas’ul etib Maktabgacha va maktab ta’limi vaziri Hilola Umarova belgilangan. Ya’ni, vazirlik hech qanday vajlarsiz mazkur topshiriq ijrosini 1-yanvardan boshlab bajarishi shart qilib qo‘yilgan.

Hozirgi kunda O‘zbekiston Respublikasi Prezidentining 2022 yil 11 maydagi PF- 134-son Farmoniga muvofiq milliy sertifikatga ega bo‘lgan ona tili va adabiyot hamda tarix fani o‘qituvchilariga to‘lanadigan ustama miqdori 20 foizni tashkil etadi.

✅ 2025-yildan boshlab esa ushbu ustamalar miqdori 50 foizga oshirilishi belgilangan.

✅@ustozuz

10.3k 0 45 27

Ustoz.uz | Rasmiy kanal

25 Oct 2024, 10:28

⚡️Milliy sertifikat test sinovlarida uzrli sabablarga ko‘ra qatnasha olmaganlarga to‘lovni qaytarib olish imkoniyati yaratildi

✍️ Bilimni baholash agentligi tomonidan o‘tkaziladigan chet tili hamda umumta'lim fanlarini bilish darajasini aniqlash test sinovlarida uzrli sabablarga ko‘ra qatnasha olmagan talabgorlar to‘lovni endi my.gov.uz sayti orqali murojaat yo‘llagan holda qaytarib olishlari mumkin.

❗️Bunda talabgorga Bilimni baholash agentligining hisobvarag‘iga kelib tushgan to‘lov miqdori qaytariladi.

Mazkur xizmat sinov rejimida ishlamoqda!

✅ O'zi nima gap

31k 0 64 59

Показано 20 последних публикаций.

127 762

подписчиков

Статистика канала

Популярное в канале

Ustoz - kelajagimiz bunyodkoridir! Uzoq yillar davomida buyuk kelajak haqida ko‘p gapirdik: "Yos...

1991-yildan 2025-yilgacha yil nomlari! 1991-yil — Alisher Navoiy yili. 1992-yil — Hamshiralar y...

Hozirgi taʼlim tizimi haqida ✅ @ustozuz

Ustozlar haqida haqiqatlar — Dunyoda bitta kasb bor: oʻqituvchilik. Qolgan kasblar uning hosil...

#eslatma ⚡️Ona tili va adabiyot hamda tarix fani o‘qituvchilariga har oy 50 foiz miqdorida qo‘s...