⚡️1-sinflardagi informatika darsini informatika fani oʻqituvchilari emas, balki boshlangʻich sinf oʻqituvchilari oʻtadi

Maktabgacha va maktab taʼlimi vazirligining 2023-yil 15-may kungi 125-sonli buyrugʻida aytilishicha, “Informatika va axborot texnologiyalari” fani Oʻzbekiston Respublikasi Prezidenti Administratsiyasi rahbarining 2022-yil 10-oktyabrdagi “Zamonaviy maktab darsliklarini tajriba-sinovdan oʻtkazish hamda maktab taʼlimi sifatini oshirish toʻgʻrisida”gi 14-sonli bayoni, Prezident Administratsiyasining 2023-yil 27-apreldagi 08-740-sonli xatiga muvofiq “Informatika va axborot texnologiyalari” fani 1-sinfdan boshlab oʻqitish belgilandi.

Mazkur bayon ijrosini taʼminlash maqsadida 2023-2024 oʻquv yilidan 1-sinfda “Informatika va axborot texnologiyalari” fani oʻqitilishi yoʻlga qoʻyiladi. Unga koʻra, 1- va 5-8-sinflarda haftasiga 1 soatdan, 9-11 sinflarda haftasiga 2 soat oʻqitiladi.

1-sinfda “Informatika va axborot texnologiyalari” fani oʻquvchilarning mantiqiy fikrlashini rivojlantirishga asoslanganligi sababli mazkur fan boshlangʻich sinf oʻqituvchilari tomonidan oʻqitiladi.

Bunda, A.Avloniy nomidagi pedagoglarni kasbiy rivojlantirish va yangi metodikalarga oʻrgatish milliy-tadqiqot instituti tomonidan tashkil etiladigan oʻquv kursini muvaffaqiyatli yakunlagan boshlangʻich sinf oʻqituvchilari 1-sinf “Informatika va axborot texnologiyalari” fanini oʻqitadi.

Pedagoglar kanaliga obuna boʻling👇
https://t.me/+SEjhuG-0kd7dL2wl