Xalqaro ekspertlar Respublika kasb-hunarga yo‘naltirish va pedagogik-psixologik diagnostika markazi mutaxassislariga trening o’tkazishdi. Mazkur tadbir 50 ta loyiha maktablarida inklyuziv taʼlimni rivojlantirish va yordamchi texnologiyalarni joriy etish, infratuzilmaning qulayligini taʼminlash va taʼlim uchun universal dizaynni qoʻllash boʻyicha ilgʻor xalqaro tajribalarni oʻzlashtirishga qaratilgan.

Trening ISHONCH jamg‘armasi tomonidan moliyalashtirilgan “O‘zbekistonda ta’limni rivojlantirish: AKT va Raqamli Texnologiyalar yordamida ta’limning sifati hamda inklyuzivligini yuksaltirish” loyihasi doirasida amalga oshirildi.