#kombinat🤝
#sheriyat📝

BEKOBOD METALLURGLARIGA

Pechlarda toblangan chehrangiz go‘zal,
Bugun olov misol yonadi yal-yal.
Ko‘zingizda charchoq sezilsa-da sal,
Davra to‘ri sizniki yalovbardorlar.

Dovud pirim sizni qo‘llasin deymiz,
Dilingizda g‘am-anduh bo‘lmasin deymiz,
Shijoatu shaxdingiz so‘nmasin deymiz,
Maqtov zo‘ri sizniki yalovbardorlar.

Shu aziz Vatanu musaffo osmon,
Boshqalar yetmagan eng yuksak dovon,
Bayramga yozilgan to‘kin dasturxon,
Bari-bari sizniki yalovbardorlar.

Sha’ningizni qancha kuylasak ham oz,
El aro kam bo‘lmang, toping siz e’zoz,
Karimning ash’orida baldirilgan roz-
Dil daftari sizniki yalovbardorlar.
Karim MAVLON.

🌐www.uzbeksteel.uz 📱Facebook 📱Instagram 📱Twitter ✉️Telegram 🌐You Tube