Репост из: zuhurot
Ba'zi narsalardan kechib bo'lmaydi. Ushbu maktub ham shunday qadr-qimmatga ega!
Sarlavhasiz maktub
Hozirgi holating qanday boʻlishidan qatʼiy nazar, senga qalb xotirjamligini tilayman. Kitob mutolaasiga sho'ng'ishni sevasan, bilaman, ammo oshqozoningni ham xafa qilmasligingni xohlardim. Albatta, vaqtida ovqatlangin, xo'pmi? Issiqda koʻchaga chiqma demayman, shundog'am bilaman, zaruratsiz chiqmaysan-ku axir?
Hech yo'qsa, ko'ngling sayr tusab qolishi mumkin. Men buni tushunaman. Asabiysan, bilaman. Kamiga injiqsan. Xoʻp, nima qilibdi shunga? Sen yonsang, men suv sepaman. Kaktus boʻlsang, quyosh boʻlib nur tarataman ko'ksingga. Keyin esa, siqilayotgan o'sha muammolaringni asabiylashmasdan hal qilish mumkinligini senga xotirjamlik bilan tushuntiraman. Gullashing uchun ko'nglimning toʻridan mehrning hammasini senga sochaman.
Mabodo nimadandir siqilsang va toʻyib yig'lashni xohlasang, kel mening bag'rimga. Soatlab seni tinglashga, yelkamga suyangan payting tanam og'irligingdan uvishib qolganda ham o'zimdan itarmaslikka tayyorman.
Nimanidir xohlayapsan-a? Yaxshisi, ikkalamiz aynan nimani xohlayotganingga oydinlik kiritaylik. Ajabmas, maqsadimiz, niyatlarimiz birlashib, o'zimizda katta kuch hosil qilsak, bir-birimizga yelkadosh boʻlsak.
Shunchaki, tillarda doston qilib "yaqinimsan" deydigan emas, nimadir yordam kerak boʻlganida tortinmasdan so'ray oladigan insoning bo'lishni istayman senga.
Ichingdan bir nima kemiryapti seni. Aytib ber menga. Nimani his qilayotganingni ayt. O'zing ham anglab ulgurmagan yoki anglashni-da istamayotgan oʻsha bir nimani ichingdan uloqtirib tashlashingga koʻmaklashayin. Izn berasanmi?
Sen hozir qanday holatda bo'lishingdan qatʼiy nazar, men seni his qilaman. Tushunaman. Qovog'ing uyilgan holatda koʻrsam, kulib yurishga majburlamayman seni. Chunki menga shu turishda ham keraksan. Yoqasan.
Istasang, sukunatda gaplashamiz. Jimlik orolchasiga olib ketaman seni. Kunfu Panda kabi sabrsiz emasmiz, bilasan. Qoʻyib berishsa, kunlab gapirmay yurishni uddalaymiz-ku, axir?!
Nimani o'ylab qolding?
Men bilmaydigan narsalarnimi?
Yoki bilishim kerak bo'lmaganlarini?
Ikkala vaziyatda ham qaroring va tanlovingni hurmat qilaman. Seni majburlab gapirtirishga, ichingdan nimanidir sug'urib olishga urinmayman. Qachon istasang, shunda bariga oydinlik kiritishingga ishonaman.
Xafa boʻlsang, xafaliging uchun dashnom qilib, o'zim istaganday bo'lishingga unamayman. Sababini-ku soʻrab ham oʻtirmayman. Chunki istasang, o'zing hammasini aytib berishingga shubham yoʻq. Hozir gapirmayapsanmi, demak mavridi emas ekan.
Sen ajoyibsan.
Har qanday holatingda ham qabul qilaman seni.
Sen kim(lar)dir aytganidek, bag'ritosh, odamovi, o'zicha aqlli, injiq, xudbin yoki yana allakim emassan!
Sen – O'zingsan!
Ichingdagi haqiqiy o'zligingni kimlarnidir senga bergan bahosi bilan bulg'amagin.
Qalbing va o'zligingni asra!
@zuhurot
Sarlavhasiz maktub
Hozirgi holating qanday boʻlishidan qatʼiy nazar, senga qalb xotirjamligini tilayman. Kitob mutolaasiga sho'ng'ishni sevasan, bilaman, ammo oshqozoningni ham xafa qilmasligingni xohlardim. Albatta, vaqtida ovqatlangin, xo'pmi? Issiqda koʻchaga chiqma demayman, shundog'am bilaman, zaruratsiz chiqmaysan-ku axir?
Hech yo'qsa, ko'ngling sayr tusab qolishi mumkin. Men buni tushunaman. Asabiysan, bilaman. Kamiga injiqsan. Xoʻp, nima qilibdi shunga? Sen yonsang, men suv sepaman. Kaktus boʻlsang, quyosh boʻlib nur tarataman ko'ksingga. Keyin esa, siqilayotgan o'sha muammolaringni asabiylashmasdan hal qilish mumkinligini senga xotirjamlik bilan tushuntiraman. Gullashing uchun ko'nglimning toʻridan mehrning hammasini senga sochaman.
Mabodo nimadandir siqilsang va toʻyib yig'lashni xohlasang, kel mening bag'rimga. Soatlab seni tinglashga, yelkamga suyangan payting tanam og'irligingdan uvishib qolganda ham o'zimdan itarmaslikka tayyorman.
Nimanidir xohlayapsan-a? Yaxshisi, ikkalamiz aynan nimani xohlayotganingga oydinlik kiritaylik. Ajabmas, maqsadimiz, niyatlarimiz birlashib, o'zimizda katta kuch hosil qilsak, bir-birimizga yelkadosh boʻlsak.
Shunchaki, tillarda doston qilib "yaqinimsan" deydigan emas, nimadir yordam kerak boʻlganida tortinmasdan so'ray oladigan insoning bo'lishni istayman senga.
Ichingdan bir nima kemiryapti seni. Aytib ber menga. Nimani his qilayotganingni ayt. O'zing ham anglab ulgurmagan yoki anglashni-da istamayotgan oʻsha bir nimani ichingdan uloqtirib tashlashingga koʻmaklashayin. Izn berasanmi?
Sen hozir qanday holatda bo'lishingdan qatʼiy nazar, men seni his qilaman. Tushunaman. Qovog'ing uyilgan holatda koʻrsam, kulib yurishga majburlamayman seni. Chunki menga shu turishda ham keraksan. Yoqasan.
Istasang, sukunatda gaplashamiz. Jimlik orolchasiga olib ketaman seni. Kunfu Panda kabi sabrsiz emasmiz, bilasan. Qoʻyib berishsa, kunlab gapirmay yurishni uddalaymiz-ku, axir?!
Nimani o'ylab qolding?
Men bilmaydigan narsalarnimi?
Yoki bilishim kerak bo'lmaganlarini?
Ikkala vaziyatda ham qaroring va tanlovingni hurmat qilaman. Seni majburlab gapirtirishga, ichingdan nimanidir sug'urib olishga urinmayman. Qachon istasang, shunda bariga oydinlik kiritishingga ishonaman.
Xafa boʻlsang, xafaliging uchun dashnom qilib, o'zim istaganday bo'lishingga unamayman. Sababini-ku soʻrab ham oʻtirmayman. Chunki istasang, o'zing hammasini aytib berishingga shubham yoʻq. Hozir gapirmayapsanmi, demak mavridi emas ekan.
Sen ajoyibsan.
Har qanday holatingda ham qabul qilaman seni.
Sen kim(lar)dir aytganidek, bag'ritosh, odamovi, o'zicha aqlli, injiq, xudbin yoki yana allakim emassan!
Sen – O'zingsan!
Ichingdagi haqiqiy o'zligingni kimlarnidir senga bergan bahosi bilan bulg'amagin.
Qalbing va o'zligingni asra!
@zuhurot