“Isroil dekabr oyida virusli bronxitga chalingan edi, – deydi sobiq chempionning menejeri Vadim Kornilov. – Shu sababli u Ar-Riyodda Sergey Bogachuk bilan jangdan voz kechishga majbur bo‘ldi va afsuski, to‘liq tiklana olmadi.

Biroq, biz ikkinchi jangni – Vergil Ortisga qarshi kechadigan bahsni bekor qila olmadik, chunki bu Turki Al ash-Sheyxga bo‘lgan hurmatimiz tufayli edi.

Isroil kasallikni hisobga olgan holda imkon qadar yaxshi jang qildi va kuchli raqibga juda kichik farq bilan (113-115 hisobida) yutqazdi.

Hozircha u dam olib, tiklanish jarayonini davom ettiradi va tez orada yana ringga qaytadi, degan umiddamiz.”