Бугун 38-умумтаълим мактаби директори, 40 йиллик педагогик стаж эгаси, бир неча давлат мукофотлари соҳибаси Қучқорова Гулнора Мараимовна 65 ёшга тўлдилар.

Шу боис, туман ҳокимлиги ва Мактабгача ва мактаб таълими бўлими томонидан опа қутланди.

Туман ҳокими Бунёд Мамаджанов йўллаган табрикда шундай сўзлар бор:

Сиз ўз фаолиятингиз давомида мамлакатимиз келажаги бўлган ёшларимизни билимли, зукко, салоҳиятли ва келажакда ўз йўлини топишида улкан ҳиссангизни қўша олдингиз. Таълим соҳасини ривожлантиришда ўз билимингиз, тажрибангизни тўлиқ сарфлай олдингиз, бугун эса ўша ёш авлодимиз улғайиб жамиятимизга ҳисса қўшиб келмоқда.

Сиз чинакам кўпни кўрган, кишилар орасида ўзининг ҳалоллиги, ақлу-заковати билан ажралиб турувчи устозсиз. Сизга кўплар ҳавас қилади, ўрнак олишади.

Табриклаймиз!!!