Xurshid Davron 1952 yilning 20 yanvarida Samarqand viloyati, Samarqand tumanidagi Chordara qishlog‘ida xizmatchi oilasida tug‘ildi. 1969 yili Toshkent davlat universiteti (hozirgi O‘zMU)ning jurnalistika fakulteti kechki bo‘limiga o‘qishga kirib, kunduzi qurilish tashkilotlarida ishladi.
Harbiy xizmatdan qaytgach (1971–1973), o‘qishni davom ettirdi. 1974–1992 yillarda turli nashriyotlarda muharrir, bo‘lim mudiri, 1994–1996 yillarda Respublika Ma’naviyat va ma’rifat jamoatchilik markazi rahbari o‘rinbosari vazifalarida ishladi. 1996 yildan e’tiboran O‘zbekiston Milliy teleradiokompaniyasida xizmat qiladi.
Xurshid Davronning ilk she’rlari 1976 yilda, birinchi kitobi (“Qadrdon quyosh”) 1979 yili bosilib chiqdi. Shundan so‘ng shoirning “Shahardagi olma daraxti” (1979), “Tungi bog‘lar” (1981), “Uchib boraman qushlar bilan” (1983), “To‘marisning ko‘zlari” (1984), “Bolalikning ovozi” (1986), “Qaqnus” (1987), “Bahordan bir kun oldin” (1989), “Bibixonim” singari kitoblari dunyoga keldi.
Xurshid Davronning tarixiy-ma’rifiy mavzular yo‘nalishidagi izlanishlari natijasida “Samarqand xayoli” (1991), “Sohibqiron nabirasi” (1995), “Shahidlar shohi” (1998), “Bibixonim” (2006), “Kubroning tushlari” (2010) nomli qissalari yaratildi.
Xurshid Davron buyuk ajdodlarimiz hayoti va faoliyati haqida bir qator dramatik asarlar yozdi. “Boburshoh” (1996) asari “Bobur sog‘inchi” nomi bilan Muqimiy nomidagi o‘zbek davlat musiqiy teatrda sahnaga qo‘yildi. “Alg‘ul yoki Mirzo Ulug‘bek” dramasi 2008 yili dastlab radiospektakl, keyinchalik televizion spektakl sifatida namoyish etildi. Bulardan tashqari “Temurnoma” nomli 21 qismli teleserial (1996), “Jaloliddin Xorazmshoh” (No‘miq Kamol asari) nomli 5 qismli telespektakl (1998), shuningdek, “Buxoroyi sharif” film-operasi, “Ming bir rivoyat” teleloyihasi Xurshid Davron ssenariylari asosida yaratildi. U Mirzo Ulug‘bek tavalludining 600 yilligi (1994), Amir Temur tavalludining 660 yilligi (1996) munosabati bilan Samarqand shahrida, Buxoro va Xeva shaharlarining 2500 yilligiga bag‘ishlab Parijdagi YUNESKO qarorgohida o‘tkazilgan teatrlashtirilgan tomoshalar va yana xalqaro “Sharq taronalari” musiqa festivallari (1993–2015) ssenariylari muallifi hamdir.
Xurshid Davron tarjimon sifatida N. Zaboloskiyning “Turnalar” (1985), M. Chaklaysning “Ot o‘yin” (1986), O. Vasiyetisning “Tomoshabog‘” (1987), “Dengiz yaproqlari. Yapon she’riyati antologiyasi” (1988), tatar xalq dostoni “Edigey” (2012), Sharq va Gʻarb shoirlarining muhabbat to‘g‘risidagi she’rlaridan iborat “Qirq bir oshiq daftari” (1989) majmuasini, J. Rumiy, A. Axmatova, M. Svetayeva, O. Mandelshtam, M. Mushfiq, O. Umar, Yu. Emro, N. Hikmat va boshqa ko‘plab shoirlarning asarlarini o‘zbek tiliga o‘girdi. O‘zining ham she’rlari qirqdan ortiq jahon tillariga tarjima qilindi.
O‘zbekiston xalq shoiri Xurshid Davron 1989 yilda Mahmud Qoshg‘ariy nomidagi Xalqaro mukofot, 1997 yilda “Do‘stlik” ordeni, 2009 yilda Xalqaro “Oltin qalam” milliy mukofoti bilan taqdirlangan.
Harbiy xizmatdan qaytgach (1971–1973), o‘qishni davom ettirdi. 1974–1992 yillarda turli nashriyotlarda muharrir, bo‘lim mudiri, 1994–1996 yillarda Respublika Ma’naviyat va ma’rifat jamoatchilik markazi rahbari o‘rinbosari vazifalarida ishladi. 1996 yildan e’tiboran O‘zbekiston Milliy teleradiokompaniyasida xizmat qiladi.
Xurshid Davronning ilk she’rlari 1976 yilda, birinchi kitobi (“Qadrdon quyosh”) 1979 yili bosilib chiqdi. Shundan so‘ng shoirning “Shahardagi olma daraxti” (1979), “Tungi bog‘lar” (1981), “Uchib boraman qushlar bilan” (1983), “To‘marisning ko‘zlari” (1984), “Bolalikning ovozi” (1986), “Qaqnus” (1987), “Bahordan bir kun oldin” (1989), “Bibixonim” singari kitoblari dunyoga keldi.
Xurshid Davronning tarixiy-ma’rifiy mavzular yo‘nalishidagi izlanishlari natijasida “Samarqand xayoli” (1991), “Sohibqiron nabirasi” (1995), “Shahidlar shohi” (1998), “Bibixonim” (2006), “Kubroning tushlari” (2010) nomli qissalari yaratildi.
Xurshid Davron buyuk ajdodlarimiz hayoti va faoliyati haqida bir qator dramatik asarlar yozdi. “Boburshoh” (1996) asari “Bobur sog‘inchi” nomi bilan Muqimiy nomidagi o‘zbek davlat musiqiy teatrda sahnaga qo‘yildi. “Alg‘ul yoki Mirzo Ulug‘bek” dramasi 2008 yili dastlab radiospektakl, keyinchalik televizion spektakl sifatida namoyish etildi. Bulardan tashqari “Temurnoma” nomli 21 qismli teleserial (1996), “Jaloliddin Xorazmshoh” (No‘miq Kamol asari) nomli 5 qismli telespektakl (1998), shuningdek, “Buxoroyi sharif” film-operasi, “Ming bir rivoyat” teleloyihasi Xurshid Davron ssenariylari asosida yaratildi. U Mirzo Ulug‘bek tavalludining 600 yilligi (1994), Amir Temur tavalludining 660 yilligi (1996) munosabati bilan Samarqand shahrida, Buxoro va Xeva shaharlarining 2500 yilligiga bag‘ishlab Parijdagi YUNESKO qarorgohida o‘tkazilgan teatrlashtirilgan tomoshalar va yana xalqaro “Sharq taronalari” musiqa festivallari (1993–2015) ssenariylari muallifi hamdir.
Xurshid Davron tarjimon sifatida N. Zaboloskiyning “Turnalar” (1985), M. Chaklaysning “Ot o‘yin” (1986), O. Vasiyetisning “Tomoshabog‘” (1987), “Dengiz yaproqlari. Yapon she’riyati antologiyasi” (1988), tatar xalq dostoni “Edigey” (2012), Sharq va Gʻarb shoirlarining muhabbat to‘g‘risidagi she’rlaridan iborat “Qirq bir oshiq daftari” (1989) majmuasini, J. Rumiy, A. Axmatova, M. Svetayeva, O. Mandelshtam, M. Mushfiq, O. Umar, Yu. Emro, N. Hikmat va boshqa ko‘plab shoirlarning asarlarini o‘zbek tiliga o‘girdi. O‘zining ham she’rlari qirqdan ortiq jahon tillariga tarjima qilindi.
O‘zbekiston xalq shoiri Xurshid Davron 1989 yilda Mahmud Qoshg‘ariy nomidagi Xalqaro mukofot, 1997 yilda “Do‘stlik” ordeni, 2009 yilda Xalqaro “Oltin qalam” milliy mukofoti bilan taqdirlangan.