🖤🖤🖤 🖤🖤🖤🖤🖤🖤

Hammayoqni yuvib tarab,
Kunda taqvimga bir qarab,
Siz ham mendek kunlar sanab,
💛 Ramazonni kutyapsizmi?

Chuchvaralar tugib qo‘yib,
Oqshoq, tolqon tuyib qo‘yib,
Yong'oq, bodom, chaqib qo‘yib,
🧡 Ramazonni kutyapsizmi?

Qatlamayu, somsa hamir,
Muzlatgichka tushar bir-bir,
Ramazonda kerak axir,
❤️ Ramazonni kutyapsizmi?

Dasturxonni bezash uchun,
Vaqtingizni tejash uchun,
Alloh rizoligi uchun,
❤️ Ramazonni kutyapsizmi?

Uy ko‘tarib, gilam qoqib,
Hammayoqqa bezak taqib,
Orastalik dilga yoqib,
❤️ Ramazonni kutyapsizmi?

Hatmonalar boshlab qo‘yib,
Shayton qalbin g‘ashlab qo‘yib,
Ko‘zlarini yoshlab qo‘yib,
💚 Ramazonni kutyapsizmi?

Ham xizmatda, ham ro‘zador,
Ming savobga siz daxldor,
Men kabi intiq, intizor
❤️ Ramazonni kutyapsizmi?

Ibodatga qoim bo‘lib,
Taqvoliy va soin bo‘lib,
Shirinso'z, muloyim bo'lib,
💕 Ramazonni kutyapsizmi?

Kechalari bedor bo'lib,
Kunduz xizmatda tik turib,
Xursandlikdan uchib-qo'nib,
❤️ Ramazonni kutyapsizmi?

Bahor bilan birga kelgan,
Intiq 11 oy kutilgan,
Bizga Alloh in'om etgan,
❤️ Ramazonni kutyapsizmi?

Muslimam, Oydinim, Oyim,
Yaxshiliklarga ko'p boyim,
Ajrlar bersin Xudoyim,
💘 Ramazonni kutyapsizmi?

✅ Telegram | Instagram 🌐