Bul shıǵarma amerikalı jazıwshı Jorj Samuel Kleyson tárepinen jazılǵan bolıp, shıǵarma 1926-jılı basıp shıǵarılǵan pamfletleri seriyasındaǵı eń tabıslı kitaplardan biri bolıp esaplanadı. Shıǵarmanıń tabıslı tárepi onda keltirilgen áwmetke erisiw, pul menen baylanıs haqqındaǵı pikirler, oy-pikirlerdiń kúshli hám túsinikli ekeni bolıp tabıladı. Vavilondaǵı insanlar materiallıq ahwalı, baylar hám kámbaǵallar arasındaǵı parıq bir neshe obrazlar, syujetlerde ashıp beriledi. Hár bir bay bolıwdı qálegen adam usı kitaptı álbette oqıp shıǵıwı kerek.